* வதோதராவில் பரோடா அணியுடன் நடந்த ரஞ்சி கோப்பை ஏ பிரிவு லீக் ஆட்டத்தில், மும்பை அணி 169 ரன் வித்தியாசத்தில் வென்று 6 புள்ளிகளை தட்டிச் சென்றது. ஸ்கோர்: மும்பை 287,  304/9 டிக்ளேர். பரோடா 184, 238.

* ஆந்திராவுடன் கவுகாத்தியில் நடந்த போட்டியில் (சி பிரிவு) அசாம் அணி 10 விக்கெட் வித்தியாசத்தில் அபாரமாக வென்றது. ஸ்கோர்: ஆந்திரா 137, 198. அசாம் 312, 25/0. அசாம் அணிக்கு 7  புள்ளிகள் கிடைத்தன.

* போர்வோரிம் மைதானத்தில் கோவா அணியுடன் நடந்த ரஞ்சி லீக் ஆட்டத்தில் (சி பிரிவு) ஜார்க்கண்ட் அணி 8 விக்கெட் வித்தியாசத்தில் வென்று 6 புள்ளிகள் பெற்றது. ஸ்கோர்: ஜார்க்கண்ட் 385,  55/2. கோவா 215, 223 (பாலோ ஆன்).

* பெங்கால் , ரயில்வேஸ், குஜராத் , மகாராஷ்டிரா, இமாச்சல் , திரிபுரா, கர்நாடகா , உத்தரபிரதேசம் மோதிய ரஞ்சி லீக் ஆட்டங்கள் டிராவில் முடிந்தன. அடுத்த சுற்று லீக் ஆட்டங்கள் வரும் 6ம்  தேதி தொடங்கி 9ம் தேதி வரை நடக்க உள்ளன.

* முத்தரப்பு தொடரில் நேற்று நடந்த பைனலில் அபாரமாக விளையாடிய ஆஸ்திரேலிய அணி ஆல் ரவுண்டர் ஜேம்ஸ் பாக்னர் விலா பகுதியில் ஏற்பட்ட தசைப்பிடிப்பு காரணமாக வெளியேறினார்.  இதனால், உலக கோப்பை தொடரில் அவர் விளையாடுவது கேள்விக் குறியாகி உள்ளது. * ஆஸி. ஓபன் கலப்பு இரட்டையர் பிரிவில் ஹிங்கிசுடன் இணைந்து சாம்பியன் பட்டம் வென்று சாதனை  படைத்துள்ள இந்திய வீரர் பயசுக்கு பிரதமர் மோடி வாழ்த்து தெரிவித்துள்ளார்.