புதுடெல்லி: காங்கிரஸ் தலைவர் சோனியா காந்தி குறித்து, ஜேவியர் மோரோ என்பவர் ‘தி ரெட் சாரிÕ என்ற புத்தகத்தை வெளியிட்டுள்ளார். இதற்கு காங்கிரசார் கடும் எதிர்ப்பு தெரிவித்து வருகின்றனர். இது குறித்து ஜேவியர் மோரோ நேற்று அளித்த பேட்டி: இத்தாலியில் இருந்து இந்தியாவுக்கு வந்து, மிகவும் எளிமையான வாழ்க்கையை தொடங்கி, இந்தியாவின் சக்திமிக்க நபராக மாறிய ஒரு பெண்ணைப் பற்றி சொல்லவே நான் விரும்பினேன். இந்த புத்தகத்தில் அவதூறாக ஏதும் சொல்லப்படவில்லை. சோனியா பற்றி நல்லவிதமாகத்தான் இந்த புத்தகத்தில் எழுதப்பட்டுள்ளது. இருந்தாலும், இதனை காங்கிரசார் ஏன் எதிர்க்கிறார்கள் என்று தெரியவில்லை.