நகரி : ஆப்பிரிக்கா கண்டத்தில் உள்ள
தான்சானியா நாட்டில் மிக உயரமான கிளிமஞ்சாரோ மலை உள்ளது. அது கடல் மட்டத்தில் இருந்து 5 ஆயிரத்து 891 மீட்டர் உயரத்தில் உள்ளது. மலையின் உயரம் 19 ஆயிரத்து 349 அடி ஆகும்.எந்த மலையுடனும் ஒட்டாத உலகிலேயே உயரமான மலையாக கிளிமஞ்சாரோ திகழ்கிறது.

இந்த மலையில் ஜானவி என்ற 12 வயது இந்திய சிறுமி ஏறி சாதனை படைத்து உள்ளார். அவர்  ஆந்திர மாநிலம் விசாகப்பட்டினத்தைச் சேர்ந்த ஆதிவாசி பெண் என்பது குறிப்பிடத்தக்கது. காந்தி ஜெயந்தி அன்று மலை உச்சியை அடைந்த அவர் அங்கு மகாத்மா காந்தியின் உருவ படத்துடன் இந்திய தேசிய கொடியை நட்டார்.மிக சிறிய வயதில் மலை ஏறி சாதனை படைத்த முதல் சிறுமி ஜானவி என்பது குறிப்பிடத்தக்கது. அவரது சாதனைக்கு பல அமைப்புகள் பாராட்டு தெரிவித்து உள்ளது.