புருனை: புருனை தருஸ்சலாமின் பிலைட் மாவட்டத்தில் இந்திய கழக அரங்கில் ஜனவரி 25ம் தேதி பொங்கல் விழாவை மிகச் சிறப்பாக கொண்டாடினர். இவ்விழாவில் குழந்தைகளின் கீர்த்தனைகள், பொங்கல் மற்றும் உழவர் என்ற தலைப்பில் கவியரங்கம், பெரியவர்கள் பங்கேற்ற தமிழ் கரோக்கி பாடல்கள், வார்த்தை விளையாட்டு போன்ற விளையாட்டு நிகழ்ச்சிகள் நடைபெற்றன. மேலும் குடும்ப மகிழ்ச்சிக்கு பெரிதும் காரணமாக இருப்பது பணமே! உறவே1 என்ற தலைப்பில் பட்டிமன்றம் நடைபெற்றது. பின்னர் விழாவில் கலந்து கொண்ட அனைவருக்கும் அறுசுவை உணவு பரிமாறப்பட்டது.