சிங்கப்பூர்: சிங்கப்பூர் ஈசூன் மகா மாரியம்மன் ஆலயத்தில், உக்ர பிரத்யங்கிரா அன்னைக்கு அமாவாசைத் திருநாளை முன்னிட்டு நிகும்பலா யாகம் மிக விமர்சையாக நடைபெற்றது. விநாயகர் வழிபாட்டுடன் தொடங்கிய யாகம், யாகசாலையில் பூஜிக்கப்பட்ட புனித கலசம், மங்கல இசையுடன் ஆலயம் வலம் வரப் பெற்று அன்னை பிரத்யங்கரா தேவிக்கு சிறப்பு அபிஷேகமும், கலாபிஷேசகமும் நடைபெற்றன. மகா மாரியம்மன் ஆலயத்தில் மட்டுமே இத்தகு யாகம் நடைபெறுவதால் திரளான பக்தர்கள் கலந்து கொண்டு உக்ர பிரத்யங்கிரா அன்னையின் அருளை பெற்றுச் சென்றனர்.