சிங்கப்பூர்: சிங்கப்பூரில் உள்ள ஈசூன் ஸ்ரீ மகா மாரியம்மன் ஆலயத்தில் மே 25ம் தேதி அமாவாசைத் திருநாளன்று ஸ்ரீ உக்ர பிரத்யங்கிரா தேவிக்கு நிகும்பலா யாகம் சிறப்பாக நடைபெற்றது. ஸ்ரீ விநாயனர் வழிபாட்டுன் தொடங்கிய நிகழ்ச்சி, யாகசாலையில் பூஜிக்கப்பட்ட கலசம் ஆலயம் வலம் வரப் பெற்று கலசாபிஷேகம் செய்யப்பட்டது. பின்பு பிரத்யங்கிரா தேவிக்கு மகா தீபாராதனை காட்டப்பட்டது. இவ்விழாவில் கலந்து கொண்ட பக்தர்கள் அனைவருக்கும் பிரசாதம் வழங்கப்பட்டது.