ஹாங்காங்: ஹாங்காங் அரசின் கலாசார சேவை துறையின் சார்பில், 15 நாடுகள் கலந்து கொண்ட ஏசியன் பல் இன கலாசார விழா 2016, கடந்த 20ம் தேதி சிறப்பாக நடைபெற்றது. இதை ஹாங்காங் உள்ளிட்ட பல்வேறு நாடுகளில் இருந்து 1000க்கும் மேற்பட்ட பார்வையாளர்கள் கண்டு மகிழ்ந்தனர். இவ்விழாவில் இந்தியா, நேபாளம், இந்தோனேஷியா, ஸ்ரீலங்கா, பிலிப்பைன்ஸ், தாய்லாந்து, லாவோஸ், கம்போடியோ உள்ளிட்ட பல நாடுகளின் பாரம்பரிய நடனம், இசை, பாடல்கள் ஆகியவை இடம்பெற்றன.