SUN குழுமத்திலிருந்து வெளிவரும் காலை நாளிதழ்

குழந்தைகளுக்கான கண்ணாடியை எப்படி தேர்ந்தெடுப்பது?

2021-09-13@ 17:00:37

* கண்ணாடி அணிய வேண்டும் என மருத்துவர் எழுதிக் கொடுத்த உடனேயே அதைப் பற்றி  உங்கள் குழந்தையிடம் சொல்லித் தயார்படுத்துங்கள். கண்ணாடி அணிவதால்  ஏற்படப் போகிற பாசிட்டிவான விஷயங்களைச் சொல்லி, அதைப் பத்திரமாகக் கையாள  வேண்டியதன் அவசியத்தையும் சொல்லிக் கொடுங்கள்.

* நீங்கள் கண்ணாடி அணிகிற பழக்கம் உள்ளவர் என்றால், உங்கள் குழந்தையின்  முன்னால் கண்ணாடி அணிவதைத் தவிர்க்காதீர்கள். கண்ணாடியுடன் உங்களைப்  பார்க்கும்போது குழந்தைக்கும் அதை அணிகிற ஆர்வம் வரும்.

* எப்போதும்  கண்ணாடி அணியச் சொல்லப்பட்டிருந்தால், தினமும் காலையில் எழுந்ததும் அதை  அணிவதைப் பழக்குங்கள். குழந்தைக்கு அந்தப் பழக்கம் முழுமையாக  வரும்போதுதான், கண்ணாடி அணிவதை ஒரு சுமையாகப் பார்க்கிற மனநிலை மாறும்.

* கண்ணாடி அணிவதென்பது அடுத்தவரின் கிண்டல், கேலிக்குள்ளான விஷயமல்ல  என்பதையும் அப்படி யாரேனும் கிண்டல் செய்தால் அதைப் பொருட்
படுத்தக்கூடாது என்கிற மனப்பக்குவத்தையும் ஏற்படுத்த வேண்டும்.

* தன்னுடைய கண்ணாடி யை தானே சுத்தப்படுத்தவும் பத்திரமாகப் பார்த்துக் கொள்ளவும் பழக்குங்கள்.

* தடிமனான லென்ஸ் உள்ள கண்ணாடியை உங்கள் குழந்தைக்கு மருத்துவர் பரிந்துரைக்கிறபோது, கண்ணாடியின் ஃபிரேம் சிறியதாக இருக்கும்படிப் பார்த்துக் கொள்ளவும்.

* பிளாஸ்டிக் ஃப்ரேம் பொருத்திய கண்ணாடிகளே குழந்தைகள் கையாள ஏற்றவை. உடையாது, வளையாது. எடை குறைவாக இருக்கும். இப்போது எடை குறைவான உலோக ஃப்ரேம்கள்கூட வருகின்றன. உங்கள் குழந்தைக்கு அலர்ஜி ஏதும் இல்லையா என்பதைத் தெரிந்து கொண்டு அவற்றை வாங்கித் தரலாம்.

* சிறு குழந்தைகளின் மூக்கு முற்றிலும் வளர்ச்சி யடைந்திருக்காது என்பதால் கண்ணாடி அணிகிற போது பிடிமானமின்றி அது வழுக்கி விழக்கூடும். அதைத் தவிர்க்க அட்ஜஸ்ட்டபுள் நோஸ் பேடு வைத்த ஃப்ரேமைத் தேர்ந்தெடுக்கவும்.

* குழந்தைகளுக்கு கண்ணாடிகளை முறையாக அட்ஜஸ்ட் செய்துகொள்ளத் தெரியாது. எனவே லென்ஸ் பகுதியானது சரியான இடத்தில் உட்காரும்படி இருக்க வேண்டும். இல்லாவிட்டால் கீழே இறங்கிய கண்ணாடியை அட்ஜஸ்ட் செய்யாமல், மேலே உள்ள பகுதி வழியே பார்க்கப் பழகுவார்கள்.

மேலும் செய்திகள்

LikeGamezop
Like Us on Facebook Dinkaran Daily News
  • birds-flu-10

    பிரிட்டன் ஃபார்ன் தீவில் பரவும் பறவை காய்ச்சல்: ஆயிரக்கணக்கான பறவைகள் துடிதுடித்து இறப்பு..!!

  • raksha-rakhi-8

    ரக்‌ஷா பந்தனை முன்னிட்டு சென்னை சவுகார்பேட்டையில் ராக்கி கயிறு விற்பனை படு ஜோர்..!!

  • china_taiwan

    தைவான் கடல் எல்லைக்குள் ஏவுகணைகளை வீசி சீன ராணுவம் போர் பயிற்சி..!!

  • guinness-record-pull-ups-08

    பறக்கும் ஹெலிகாப்டரில் 25 புல் அப்ஸ் எடுத்து கின்னஸ் சாதனை படைத்த யூடியூபர்!

  • egypt-sun-temple-8

    எகிப்தில் 4500 ஆண்டு பழமையான சூரிய கோவில் கண்டுபிடிப்பு; தொல்லியல் துறை அசத்தல்..!!

படங்கள் வீடியோ கல்வி சினிமா ஜோ‌திட‌ம்