SUN குழுமத்திலிருந்து வெளிவரும் காலை நாளிதழ்

பருவத்தால் வரும் கோளாறு

2020-06-10@ 10:48:57

நன்றி குங்குமம் டாக்டர்

‘‘Seasonal Affective Disorder என்ற பெயரைக் கேட்டால் சற்று புதிதாகத்தான் இருக்கும். Seasonal Affective Disorder (SAD) என்று சொல்லப்படுகிற பருவகால பாதிப்புக் குறைபாடு என்கிற இந்த பெயரிலிருந்தே அதன் அர்த்தத்தை நாம் புரிந்துகொள்ளலாம்’’ என்ற மனநல மருத்துவர் குறிஞ்சி இதுபற்றி மேலும் நம்மோடு பகிர்ந்து கொள்கிறார்.

‘‘வெயில், மழை, காற்று, பனி என்று பருவகால மாற்றங்களின்போது சுற்றுப்புற தட்பவெப்பநிலை மட்டும் மாறுவதில்லை. அதற்கு ஏற்றவாறு நமது மனநிலையும் மாறுகிறது. அதுவே அந்த குறிப்பிட்ட பருவநிலையில் ஆண்டுதோறும் நமக்கு மனச்சோர்வு அல்லது மன எழுச்சியானது சற்று அதிகமானால் அதுவே பருவகால பாதிப்பு குறைபாடு என்று சொல்லப்படுகிறது. Seasonal Affective Disorder பெரும்பாலும் பூமத்திய ரேகையில் இருந்து வெகு தொலைவில் வசிக்கும் மக்களையே பாதிக்கிறது. ஐரோப்பிய நாடுகளில் குளிர்காலத்தில் இதனால் பாதிக்கப்படுகிறவர்கள் அதிகம் என்பதால், இதை Winter Blues அல்லது குளிர்கால மன அழுத்தம் என்றும் சொல்வதுண்டு.

SAD குறைபாடு இருக்கும் குடும்பப் பின்னணி கொண்டவர்களை இது அதிகம் பாதிக்கிறது. குளிர்காலத்தில் தோன்றும் வைட்டமின் D குறைபாடும் இந்த வகை மன அழுத்தத்திற்கு ஒரு காரணமாக உள்ளது. வெயில் வரத் தொடங்கியதும் SAD பிரச்னை உள்ளவர்களின் மனநிலையும் இயல்பு நிலைக்கு திரும்பிவிடும்.
அதேபோல் இந்தியா போன்ற வெயில் அதிகம் கொண்ட நாடுகளில் ஏற்படும் Seasonal Affective Disorder, வெயிலின் உக்கிரம் குறைந்தபிறகு சரியாகிவிடும். இந்தக் குறைபாடு ஆண்களைக் காட்டிலும் பெண்களை நான்கு மடங்கு அதிகமாக பாதிக்கிறது. அதிலும் இக்குறைபாடு இளம் பெண்களிடையேதான் அதிகமாக காணப்படுகிறது.

பருவகால மாற்றத்தின் அறிகுறிகளை எப்படி உணர்வது என்பதையும் பார்ப்போம்...

1. எதிலும் நாட்டம் இல்லாமல் இருப்பது. 2. மனம் எப்பொழுதும் சோகமாக இருப்பது. 3. தூக்கமின்மை மற்றும் பகல்நேரத் தூக்கம். 4. உடல் சோர்வடைதல், கவனக் குறைபாடு. 5. மாவுச்சத்துள்ள உணவுப் பண்டங்களை விரும்பி உண்ணுதல். 6. யாரிடமும் பேசப் பிடிக்காமல் தனிமையை நாடுதல் ஆகிய யாவும் இக்குறைபாட்டின் அறிகுறிகளாக உள்ளது. இந்தக் குறைபாட்டின் அறிகுறிகள் ஏதாவது தென்பட்டால் மனநல மருத்துரை அணுகி அதை உறுதிபடுத்திக் கொண்டு தகுந்த சிகிச்சை முறைகளை எடுத்துக் கொண்டால் மனச்சோர்வில் இருந்து விடுபட்டு விரைவில் இயல்பு வாழ்க்கைக்குத் திரும்பி விடலாம்.

இந்த மனச்சோர்விற்கு மற்ற வகை மனச்சோர்வைப் போல் மாத்திரைகள், CBT therapy (Cognitive behaviour therapy), Psychotherapy மட்டுமல்லாது Phototherapy சிகிச்சையும், Vitamin-D சிகிச்சையும் நல்ல பலன் அளிக்கும். நம்மில் சிலருக்கு இந்த வகை மனச்சோர்வு இருந்தும் அதை அறியாமையால் அலட்சியப்படுத்துவதால், நாம் தேவையில்லாமல் அதன் பாதிப்புக்கு ஆளாக நேரிடுகிறது. உடலில் இரும்புச்சத்து குறைந்து நமக்கு ரத்தசோகை ஏற்பட்டால் அச்சத்துள்ள Iron மாத்திரை சாப்பிடுவதில்லையா? அதுபோலதான் நம் மூளையில் உள்ள Serotonin, Nor-epinephrine போன்ற நரம்பியக் கடத்திகளின் குறைபாட்டால் நமக்கு மனச்சோர்வு ஏற்படுகிறது. அதற்குரிய மாத்திரையை எடுத்துக் கொண்டால் அக்குறைபாடு நீங்கி இயல்பாக வாழலாம். இந்த மாத்திரைகளை மனநல மருத்துவரின் ஆலோசனைப்படி குறிப்பிட்ட காலத்திற்கு மட்டுமே எடுத்துக்கொள்ள வேண்டும். வாழ்நாள் முழுவதும் எடுத்துக்கொள்ள வேண்டியதில்லை.

தொகுப்பு: க.கதிரவன்

மேலும் செய்திகள்

Like Us on Facebook Dinkaran Daily News
  • RamMandirBhoomiPoojan05

    ஜெய் ஸ்ரீராம் கோஷம் முழங்க அயோத்தியில் 161 அடி பிரம்மாண்ட ஆலயத்திற்கு அடிக்கல் நாட்டினார் பிரதமர் மோடி..: புகைப்படத்தொகுப்பு

  • ayothikkk1

    மின் விளக்குகளால் ஜொலிக்கும் அயோத்தி: ராமர் கோயில் பூமி பூஜைக்காக ஏற்பாடு தீவிரம்

  • italy_96611

    வயது என்பது மனதிற்கே... சாதிக்க தடையில்லை...96 வயதில் பட்டம் பெற்று அசத்திய முதியவர்!!

  • umilneer11

    உமிழ்நீரை வைத்து கொரோனா வைரஸை கண்டறிய , ராணுவ நாய்களுக்கு ஜெர்மன் ராணுவம் பயிற்சி!!

  • 25-07-2020

    25-07-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்