SUN குழுமத்திலிருந்து வெளிவரும் காலை நாளிதழ்

கிராமங்களில் அதிகரிக்கும் நீரிழிவு

2020-03-18@ 15:39:31

நன்றி குங்குமம் டாக்டர்

பொதுவாகவே நீரிழிவு நோயின் தாக்கம் இந்தியாவில் அதிகரித்து வருகிறது என்று மருத்துவர்கள் கூறுவதைக் கேள்விப்பட்டிருப்போம். இதில் இன்னும் ஒரு அதிர்ச்சியாக தமிழகத்தின் கிராமப்பகுதிகளில் நீரிழிவு அதிகரித்திருப்பது ஆய்வில் தெரிய வந்துள்ளது. சென்னை நீரிழிவு ஆராய்ச்சி அறக்கட்டளை மற்றும் ஸ்காட்லாந்து பல்கலைக்கழகம் ஆகியவை இணைந்து ஊரகப் பகுதிகளில் சர்க்கரை நோயின் தாக்கம் குறித்த ஆய்வை மேற்கொண்டன. அதன்படி காஞ்சிபுரம் மாவட்டத்தில் அமைந்துள்ள 25 கிராமங்களில் 15 ஆயிரத்துக்கும் மேற்பட்டவர்களிடம் இருந்து சர்க்கரை நோய் பாதிப்பு குறித்த தகவல்கள் திரட்டப்பட்டன. இந்த ஆய்வு முடிவுகள் பல்வேறு உண்மைகளை வெளிக்கொண்டு வந்துள்ளது.

குறிப்பாக ஊரகப் பகுதிகளில் கடந்த 2006-ம் ஆண்டில் 4.9 சதவீதமாக இருந்த சர்க்கரை நோய் பாதிப்பு, தற்போது 13.5 சதவீதமாக உயர்ந்துள்ளது. ஏறத்தாழ 15 ஆண்டுகளுக்குள் சர்க்கரை நோய் தாக்கம் 300 சதவீதம் அதிகரித்திருப்பது அதிர்ச்சியளிப்பதாக உள்ளது. நகரவாசிகளிடம் உருவாவதாக நம்பப்பட்டுக் கொண்டிருக்கும் நீரிழிவு தற்போது கிராமங்களிலும் அதிவேகமாக உருவாக என்ன காரணம்? ‘வாழ்க்கைமுறை மற்றும் உடல் பருமன் உள்ளிட்டவையே இதற்கு முக்கிய காரணம். மேலும் சர்க்கரை நோய் குறித்த விழிப்புணர்வும் புரிதலும் போதிய அளவு இல்லாமையும் இதற்கு காரணமாக உள்ளது. இனி கிராமப்புறங்களில் வாழ்கிறவர்களும் கவனமாக இருக்க வேண்டியது அவசியம்’ என்று மருத்துவர்கள் வலியுறுத்தியுள்ளனர்.

தொகுப்பு: இதயா

மேலும் செய்திகள்

Like Us on Facebook Dinkaran Daily News
  • orange-tree-wishes-27

    ஆரஞ்சு மரத்தை அதிர்ஷ்டமாக கருதும் ஹாங்காங் மக்கள்: வேண்டுதல்களை தாள்களில் எழுதி மரத்தில் தொங்கவிட்டு பிரார்த்தனை..!!

  • pet-fesitival-mumbai

    மும்பையில் கோலாகலமாக நடைபெற்ற செல்லப் பிராணிகள் திருவிழா: லிம்கா சாதனைப் புத்தகத்தில் இடம்பெற்றுள்ள Pet Fed நிகழ்ச்சி

  • france-reform

    பிரான்ஸ் அரசின் ஓய்வூதிய சீர்திருத்தக் கொள்கைக்கு எதிர்ப்பு: அதிபர் மேக்ரான் அரசுக்கு எதிராக நாடு தழுவிய போராட்டம்..!!

  • new-parliament-pic-20

    பெரிய அரங்குகள், நூலகங்கள், நவீன வசதிகள்: புதிய நாடாளுமன்ற கட்டடத்தின் மாதிரி புகைப்படங்கள் வெளியீடு..!!

  • cong-ravi-19

    தமிழ்நாடு பெயரை மாற்றுமாறு கூறிய ஆளுநர் ரவிக்கு எதிர்ப்பு தெரிவித்து காங். கட்சியினர் கண்டன ஆர்ப்பாட்டம்..!!

படங்கள் வீடியோ கல்வி சினிமா ஜோ‌திட‌ம்