நன்றி குங்குமம் தோழி

வாசகர் பகுதி

*பிரஷர் குக்கரில் பயன்படுத்தும் கேஸ்கட் ரப்பர் வளையத்தை உபயோகிக்காத போது, ஃபிரிட்ஜின் ஃப்ரீசரில் போட்டு வைக்கலாம். இதனால் சீக்கிரம் சேதம் அடையாது. ஆறு மாதம் அல்லது ஒரு வருடத்திற்கு ஒரு முறை கேஸ்கட்டை அவசியம் மாற்ற வேண்டும்.

*பிரஷர் குக்கரின் மூடியில் இருக்கும் துவாரங்களில் ஏற்படும் அடப்பை சிறிய ஊசியின் உதவியால் நீக்கி சுத்தமாக வைத்திருக்க வேண்டும்.

*சமையல் முடிந்த பின்பு குக்கரில் சமைத்த உணவை வேறு பாத்திரத்தில் மாற்றி விட்டு சுத்தமாக கழுவி உலர வைக்க வேண்டும். வெயிலில் 10 நிமிடம் வரை உலர வைப்பது சிறந்தது.

*பிரஷர் குக்கரில் பாதி அல்லது முக்கால் பாகம் தான் சமைக்க வேண்டும். முழு கொள்ளளவு வரை இருக்குமாறு சமைக்கக் கூடாது.

*குக்கரை மூடிவிட்டு உடனே விசில் போடாமல், ஆவி நன்றாக வெளிவர ஆரம்பித்த பிறகு பொருத்தலாம். இதன் மூலம் குக்கர் சீராக இயங்குவதோடு நீண்ட நாள் உழைக்கும்.

*பிரஷர் குக்கரில் நேரடியாக சமைக்காமல், உள்ளே எவர்சில்வர் பாத்திரத்தை வைத்து உணவு சமைப்பதே நல்லது.

- வசந்தா, சென்னை.