நன்றி குங்குமம் தோழி

வாசகர் பகுதி

பெண்கள் தங்களின் சருமம் அழகாகவும் பளிச்சென்று இருக்க வேண்டும் என்றும் விரும்புவார்கள்... அதற்கு சில யோசனைகள்.

*பஞ்சில் சிறிதளவு மில்க் கிரீமினை எடுத்து முகம் மற்றும் கழுத்து பகுதியை நன்றாக துடைக்கவும்.

*அடுத்து லைட் மேக்கப். அதற்கு ஃபவுண்டேஷன் தான் அடிப்படை. விரல்களால் ஃபவுண்டேஷனை எடுத்து முகம் மற்றும் கழுத்தில் ஆங்காங்கே வைத்து சமமாக பூசவும். கரும்புள்ளி மற்றும் கண்களுக்கு கீழ் கருவளையம் இருந்தால், அங்கு சற்று அதிகம் பூசவேண்டும்.

*ஐப்ரோ பென்சிலால் புருவங்களை சீராக்கவும். ‘ஐ’லைனரால் கண்களுக்கு கீழே லேசாக கோடு இழுக்கவும். கண் இமைகளிலும் வரையலாம்.

*இரவு நேர பார்ட்டிகளுக்கு செல்லும் போது... உடைக்கு ஏற்ற ‘ஐ’ ஷேடோக்களை பயன்படுத்தலாம். இல்லை என்றால் வெள்ளை அல்லது தங்க நிற ஐ-ஷேடோவை உபயோகித்தால் முகம் மேலும் பளிச்சென்று இருக்கும்.

*கடைசியாக கண்களின் இமை முடிகளில் மஸ்காராவை பூசிக் கொள்ளலாம். இதைப் பூசும் போது, கண்களைத் திறந்து வைத்துக் கொண்டு தான் பூச வேண்டும். அப்போது தான் புருவத்தில் உள்ள முடி முழுவதும் சீராகப் படியும்.

தொகுப்பு - அ.திவ்யா, காஞ்சிபுரம்.