SUN குழுமத்திலிருந்து வெளிவரும் காலை நாளிதழ்

புள்ளி இல்லா பொலிவு

2022-06-20@ 17:35:59

நன்றி குங்குமம் தோழி

வாசகர் பகுதி

சருமப் பராமரிப்பு என்பது அழகு சார்ந்த விஷயம் மட்டுமல்ல. ஆரோக்கியம் சார்ந்த விஷயமும் கூட. உடல் ஆரோக்கியம் குறையில்லாமல் இருப்பவர்கள் கூட முகத்திலும் உடலிலும் ஆங்காங்கே வெண் புள்ளிகளைப் போல், திட்டுக்களை கொண்டிருக்கிறார்கள். இந்த வெள்ளைப் புள்ளிகள் வயது பேதமின்றி சிறியவர்கள் முதல் பெரியவர்கள் வரை தாக்குகிறது. முறையற்ற உணவுப்பழக்கமும் ஊட்டச்சத்து பற்றாக்குறையும் கூட இதற்கு காரணமாக இருக்கலாம். இந்த வெள்ளை புள்ளிகள் ஒரு சிறிய வடிவில் நெற்றி, தொடை, மூக்கு போன்ற இடங்களில் தோன்றி முகத்தின் வசீகரத்தைக் குறைக்கும். இந்த மாதிரியான வெண்புள்ளிகளை இயற்கைப் பொருட்களைக் கொண்டு எளிதாக நீக்கலாம்.

*½ டேபிள் ஸ்பூன் சந்தனப் பொடியுடன், 1 டீஸ்பூன் டிஸ்டில்டு வாட்டர் சேர்த்துக் கலந்து மூக்கு, தாடை, நெற்றி போன்ற இடங்களில் தேய்க்க வேண்டும். பிறகு வெதுவெதுப்பான நீரில் கழுவவும். இதை தினமும் செய்து வந்தால் நல்ல மாற்றத்தைக் காணலாம்.

*3 சொட்டுகள் டீட்ரி ஆயிலுடன், ½ டீஸ்பூன் தேங்காய் எண்ணெய் கலந்து சருமத்தில் பாதிக்கப்பட்ட இடத்தில் தடவி, 5 நிமிடங்கள் கழித்து வெது வெதுப்பான நீர் கொண்டு அலச வேண்டும்.

*4 சொட்டுகள் ஆப்பிள் சிடர் வினிகருடன் 1 டீஸ்பூன் டிஸ்டில்டு வாட்டர் சேர்த்துக் கலந்து நெற்றியில், தாடையில் பாதிக்கப்பட்ட பகுதிகளில் தடவி, 5 நிமிடங்கள் கழித்து நீரினால் கழுவவும்.

*2 டேபிள் ஸ்பூன் சமைத்த ஓட்ஸுடன் 1 டீஸ்பூன் ரோஸ் வாட்டர் கலந்து தாடை மற்றும் நெற்றியில் தேய்த்து 10 நிமிடங்கள் அப்படியே வைத்துப் பின் நீரினால் அலசவும்.

*½ டீஸ்பூன் பேக்கிங் சோடா மற்றும் 1 டீ ஸ்பூன் தண்ணீருடன் கலந்து பாதிப்படைந்த இடத்தில் நன்றாகத் தேய்த்து, பின்பு வெது வெதுப்பான நீரில் கழுவவும். வாரத்திற்கு 2-3 தடவை இதை செய்து வந்தால் நல்ல மாற்றத்தைக் காணலாம்.

*½ டீஸ்பூன் கடலை மாவு, 1 டீஸ்பூன் தண்ணீர் சேர்த்துக் கலந்து பாதிக்கப்பட்ட இடத்தில் நன்றாக தேய்த்து பிறகு ஓர் ஈரமான துணியைக் கொண்டு துடைத்து எடுக்கவும்.

தொகுப்பு - அபர்ணா சுப்ரமணியம், சென்னை.

மேலும் செய்திகள்

LikeGamezop
Like Us on Facebook Dinkaran Daily News
  • america_fire

    கலிபோர்னியாவை அச்சுறுத்தும் காட்டுத்தீ.. தீயை அணைக்க வீரர்கள் போராட்டம்!!

  • mexico-mine-17

    மெக்சிகோ சுரங்கத்தில் ஏற்பட்ட வெள்ளத்தால் சுரங்கத் தொழிலாளர்களை மீட்கும் முயற்சி தீவிரம்...

  • oil-tanker-17

    பாகிஸ்தானில் ஆயில் டேங்கர் லாரியும், பயணிகள் பேருந்தும் மோதி தீ விபத்து.. 20 பேர் உடல் கருகி உயிரிழப்பு..!!

  • kite_chennai

    மாமல்லபுரத்தில் நடைபெற்ற பிரம்மாண்ட பட்டத் திருவிழா..!!

  • poland-fish-16

    போலந்தில் நதிநீர் மாசுபாட்டால் டன் கணக்கில் செத்து மிதக்கும் மீன்கள்..!!

படங்கள் வீடியோ கல்வி சினிமா ஜோ‌திட‌ம்