நன்றி குங்குமம் தோழி

செல்போன் திருட்டு, நகைப் பறிப்பு போன்ற செய்திகளை நாம் அன்றாடம் படித்து வருகிறோம். குறிப்பாக மொபைல் திருட்டு போனால் அதை நம்மால் மறுபடியும் மீட்க முடியாமல் தான் ேபாகிறது. அவ்வாறு திருடப்படும் ெசல்போன்கள் மீட்க முடியாமல் போவதற்கு என்ன காரணங்கள்...
 
*மொபைலைத் திருடும் கும்பல், அவற்றை உடனே திருட்டு பொருட்களை வாங்கும் கடை ஏஜென்சிகளிடம் விற்று விடுகின்றனர். அவ்வாறு விற்கப்படும் மொபைலில் உள்ள IMEI எண்கள் மாற்றப்பட்டு புதிய போன்போல் நல்ல விலைக்கு விற்கப்படுகிறது.

*IMEI நம்பர் உள்ள போன்கள், போலீசாரிடம் சிக்கினால் மட்டுமே உரியவர்களிடம் ஒப்படைக்கப்படும்.

*அதிகாலையில் வாக்கிங் போகிறவர்கள் மற்றும் பெண்களிடம் தான் பறிக்கப்படுகிறது.

*கூட்டம் நிறைந்த இடங்களான ரயில் நிலையம், பஸ் ஸ்டாண்டை ஒட்டிய சாலைகளிலும் வழிப்பறி நடப்பது சகஜம்.

*இந்த வழிப்பறி திருட்டில் பெரும்பாலும் 16-20 வயதினரே ஈடுபடுகின்றனர். இதில் படித்தவர்களும் உண்டு என்பதுதான் கொடுமை. வழிப்பறி முடிந்ததும், எளிதாக தப்பும் வாய்ப்பு உள்ள இடங்களில் மட்டுமே ஈடுபடுகின்றனர். ஒரே நாளில் பல மொபைல்களை, பல இடங்களில் வழிப்பறி செய்து, பறிகொடுத்தவர் நிம்மதியை கெடுத்து, இவர்கள் சகட்டுமேனி விலைக்கு விற்று விட்டு நண்பர்களுடன் ஆடம்பர வாழ்க்கையில் ஈடுபடுகின்றனர்.

*பெண்கள் வெளியில் வாக்கிங் மற்றும் கடைகளுக்கு செல்லும்போது, முடிந்தவரை செல்போனை தவிர்க்க வேண்டும். அல்லது ஹேண்ட் பேக்கினுள் வைத்துக்கொள்ள வேண்டும்.

*முடிந்தவரை அதிக நடமாட்டம் உள்ள நேரங்களிலேயே, உங்களுடைய நடமாட்டங்களும் இருப்பது நல்லது!

*சிலர் வாக்கிங் போவதே போனில் பேசிக்கொண்டு போகத்தான் என்பதுபோல் செயல்படுவர். மேலும் சிலர் எப்பவும் கையிலேயே செல்போனை வைத்திருப்பர். அதை தவிர்ப்பது நல்லது.

- ராஜி ராதா, பெங்களூர்.

அட்டைப்படம்: சுமா பூஜாரி