SUN குழுமத்திலிருந்து வெளிவரும் காலை நாளிதழ்

இவாங்கா ட்ரம்பின் பாராட்டில் நனைந்த பீகார் சிறுமி

2020-09-17@ 12:27:30

நன்றி குங்குமம் தோழி

நமது தேசம் முழுவதும் இருக்கும் புலம்பெயர் தொழிலாளர்கள் நடந்தே தூரங்களைக் கடப்பதைப்போல, பீகாரைச் சேர்ந்த சிறுமியொருவர், தன் அப்பாவுடன் 1,200 கிமீ தூரத்தை சைக்கிளில் கடந்து பயணித்திருக்கிறார். இந்தச் செய்தி அமெரிக்க அதிபர் டிரம்பின் மகளான இவாங்கா டிரம்ப் கவனத்தை வெகுவாக ஈர்த்துள்ளது.
பீகாரைச் சேர்ந்த 15 வயது சிறுமி ஜோதி குமாரி. கோவிட்-19 வைரஸ் பாதிப்பால் ஏற்பட்ட ஊரடங்கில், தன்  தந்தையுடன் ஹரியானா மாநிலம் குருகிராம் நகரில் சிக்கிக்கொண்டார்.

சிறுமியின் தந்தையோ, சாலை விபத்தில் சிக்கி சிகிச்சை பெற்று வந்திருக்கிறார். இந் நிலையில் திடீர் என அறிவிக்கப்பட்ட ஊரடங்கால் என்ன செய்வதென குழம்பிய சிறுமியும் அவளின் தந்தையும் சேர்ந்து துணிச்சலோடு ஒரு முடிவை எடுத்தனர். அதாவது  தங்கள் கையில் இருக்கும் பணத்தில் சைக்கிள் ஒன்றை வாங்கி, அதில் தங்கள் சொந்த ஊரான பீகாருக்கு பயணிப்பதென முடிவானது. காலில் அடிபட்டு தந்தை நடக்க முடியாத நிலையில் சிறுமியே சைக்கிளை செலுத்துவதென முடிவானது. சைக்கிளின் பின் கேரியரில் தன் அப்பாவை சுமந்தபடி மன தைரியத்தோடு சைக்கிளை செலுத்தி, ஏழு நாட்களில் பீகாரை அடைந்
திருக்கிறார். சைக்கிளில் அப்பாவுடன் பயணிக்கும் சிறுமியின் துணிச்சல் சமூக வலைத் தளங்களில் வைரலானது.

இந்தச் செய்தி அமெரிக்க அதிபர் மகள் இவாங்கா ட்ரம்பின் கவனத்தையும் ஈர்க்கவே, தந்தை மீதான பாசத்தில் 1200 கிமீ தூரத்தை சைக்கிளில் துணிச்சலுடன் கடந்த சிறுமி ஜோதி குமாரியை தனது ட்விட்டர் பக்கத்தில் வெகுவாகப் பாராட்டி புகைப்படத்துடன் பதிவிட்டிருந்தார். இந்தச் செய்தி மீண்டும் சமூக ஊடகங்களில் வைரலாகப் பற்றியது. ஊடகங்களும் தங்கள் பங்குக்கு பீகார் சிறுமி மீது தங்கள் கவனத்தைத் திருப்பின. சிறுமியின் செயலைக் கவனித்த சைக்கிளிங் பெடரேசன் ஆஃப் இந்தியா சிறுமியின் திறமையை வியந்து பாராட்டியது. அவரது சைக்கிளிங் திறன் சோதிக்கப்பட்டு, பயிற்சியாளராய் நியமிப்பதாகவும் அறிவித்துள்ளது.

உத்திரப் பிரதேச முன்னாள் முதல்வர் அகிலேஷ் யாதவும் சிறுமியின் தைரியத்தைப் பாராட்டி ஒரு லட்ச ரூபாய் நிதி உதவி அளிப்பதாகத் தெரிவித்துள்ளார்.
ஊரடங்கில் புலம்பெயர்ந்த மக்களை அரசாங்கம் முழுவதுமாய் கைவிட்ட நிலையில், தனது துணிச்சலாலும் திறமையாலும் 1,200 கி.மீ தூரத்தைக் கடந்த வீரச்சிறுமிக்கு பாராட்டுகள் தொடர்ந்து குவிந்து வருகிறது.

தொகுப்பு: மகேஸ்வரி

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்