35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

அமெரிக்காவின் நியூயார்க் கடற்கரையில் இறந்த நிலையில் கரை ஒதுங்கிய பிரமாண்டமான திமிங்கலத்தை பாதுகாப்பாக அகற்றும் பணியில் மாகாண அதிகாரிகள் ஈடுபட்டுள்ளனர். நியூயார்க்கில் உள்ள ரிடோ கடற்கரையில் ஒதுங்கிய உள்ள ஆண் கூன் முதுகு திமிங்கலம் 35 அடி நீளம் கொண்டதாக தெரிவித்துள்ள கடல் உயிரின ஆய்வாளர்கள் இறப்புக்கான காரணம் குறித்து ஆய்வு செய்து வருவதாக கூறியுள்ளனர். திமிங்கலத்தின் உடலில் இருந்து மாதிரிகள் சேகரிக்கப்பட்ட பின்னர் கடற்கரை ஓரத்திலேயே உடலை புதைக்க நியூயார்க் மாகாண நிர்வாகம் ஏற்பாடு செய்து வருகிறது.