ரம்ஜானையொட்டி ஜோத்பூரில் பயங்கர மோதல்.. ஒருவர் மீது ஒருவர் கற்களை வீசி தாக்குதல்.. போலீசார் தடியடி!!

ஜோத்பூர்: ராஜஸ்தானின் ஜோத்பூரில் நேற்று முன்தினம் இரவு ரம்ஜான் கொண்டாட்டம் தொடங்குவதற்கு முன் இருதரப்பினரிடையே மோதல் ஏற்பட்டது. ஒருவர் மீது ஒருவர் கற்களை வீசி தாக்கிக் கொண்டனர். வாகனங்களுக்கு தீ வைக்கப்பட்டது. இந்த வன்முறையில் 5 போலீசார் உட்பட ஏராளமானோர் காயமடைந்தனர். இந்நிலையில், நேற்று காலை ஈத் தொழுகைக்கு பின் சிலர் கல்வீச்சில் ஈடுபட்டதால் மீண்டும் பதற்றம் ஏற்பட்டது. இதனை தொடர்ந்து 10 காவல் நிலையங்களின் எல்லைக்குட்பட்ட பகுதிகளில் இன்று இரவு வரை ஊரடங்கு அமல்படுத்தப்பட்டு உள்ளது.