வடகொரியாவின் இரவு நேர ராணுவ அணிவகுப்பால் பதற்றம்: கண்டம் விட்டு கண்டம் பாயும் 11 ஏவுகணைகள் பங்கேற்பு

வடகொரிய அரசு திடீரென மேற்கொண்ட இரவு நேர ராணுவ அணிவகுப்பால் கோரிய தீபகற்பத்தில் பதற்றம் அதிகரித்து வருகிறது. தலைநகர் பியாங்யாங்கில் நள்ளிரவு நடைபெற்ற ராணுவப் பேரணியில் கண்டம் விட்டு கண்டம் பாயும் 11 நவீன ஏவுகணைகள் இடம்பெற்றன. வடகொரியா தனது ராணுவத்தை நிறுவியதின் 75வது ஆண்டு நிறைவை குறிக்கும் வகையில் அணிவகுப்பு நடத்தப்பட்டதாக வடகொரியா அறிவித்திருக்கிறது. இந்த தளவாட பேரணியில் அதிபர் கிங்ஜாங் உடன் அவரது மகளும் கலந்துகொண்டனர். இதில் உலகின் எந்த நாடுகளையும் தாக்க கூடிய ஹவாஸன் 17 ரக அதிநவீன ஏவுகணை இடம்பெற்றிருப்பது சர்வதேச அளவில் அதிர்வலைகளை ஏற்படுத்தியுள்ளது.