தமிழ்நாடு பெயரை மாற்றுமாறு கூறிய ஆளுநர் ரவிக்கு எதிர்ப்பு தெரிவித்து காங். கட்சியினர் கண்டன ஆர்ப்பாட்டம்..!!

தமிழ்நாடு எனும் பெயரை மாற்ற வேண்டும் என கூறிய ஆளுநர் ஆர்.என்.ரவியை கண்டித்து மாநிலத்தின் பல்வேறு இடங்களில் காங்கிரஸ் கட்சியினர் கண்டன ஆர்ப்பாட்டத்தில் ஈடுபட்டனர். சென்னை மாவட்ட ஆட்சியர் அலுவலகம் அருகே நடந்த போராட்டத்தில் ஆளுநர் ஆர்.என்.ரவி உடனடியாக பதவி விலக கோரி மாநில காங்கிரஸ் தலைவர் கே.எஸ்.அழகிரி தலைமையில் அந்த கட்சியினர் முழக்கம் எழுப்பினர். ஒன்றிய அரசு உடனடியாக ஆளுநர் ரவியை திரும்ப பெற வலியுறுத்தியும் தூத்துக்குடி, ராமநாதபுரம், திண்டுக்கல், கும்பகோணம் உள்ளிட்ட பல்வேறு ஊர்களிலும் காங்கிரசார் ஆர்ப்பாட்டத்தில் ஈடுபட்டனர்.