கலிஃபோர்னியாவை புரட்டிப்போட்ட புயல் மழை; 3 கோடிக்கும் அதிகமானோர் பாதிப்பு..!!

அமெரிக்காவின் கலிஃபோர்னியாவில் பெய்து வரும் புயல் மழை அந்த மாகாணத்தையே புரட்டி போட்டுள்ளது. மாகாணத்தின் பல்வேறு பகுதிகளில் பரவலாக பல மணி நேரம் பெய்த மழையால் சாலைகளில் தண்ணீர் தேங்கி நிற்கிறது. வாகனங்கள் நீரில் அடித்து செல்லப்பட்டது. கட்டிடங்களுக்குள் வெள்ளம் புகுந்துள்ளது. தொடர் மழை, அதீத ஈரப்பதத்தில் ஆங்காங்கே நிலச்சரிவுகளும் ஏற்பட்டுள்ளன. 2 லட்சத்து 20 ஆயிரம் வீடுகள் மற்றும் அலுவலகங்களுக்கு மின் சேவை துண்டிக்கப்பட்டுள்ளது. 3 கோடிக்கும் அதிகமானோர் கடுமையாக பாதிக்கப்பட்டுள்ளனர்.