ஆந்திராவில் கொட்டித்தீர்த்த கனமழை!: வெள்ளக்காடாக காட்சியளிக்கும் குடியிருப்புகள்...இடுப்பளவு தண்ணீரில் அல்லல்படும் மக்கள்..!!

ஆந்திரப் பிரதேச மாநிலத்தில் கனமழையால் ஏற்பட்ட வெள்ளத்தில் சிக்கி 41 பேர் உயிரிழந்துள்ளனர். ஆந்திரப் பிரதேசத்தின் சித்தூர், கடப்பா, கர்னூல், ஆனந்தபூர் ஆகிய நான்கு மாவட்டங்கள் கனமழையால் கடுமையாக பாதிக்கப்பட்டுள்ளன. வெள்ளத்தில் சிக்கியவர்களை மீட்கும் பணியில் மாநில பேரிடர் மீட்புப் படையினர், தீயணைப்பு துறையினர், இந்திய விமானப் படையினர் ஈடுபட்டுள்ளனர். பல இடங்களில் சாலைகள் நதிகளைப் போலவே காணப்படுகின்றன. வாகனங்கள் வெள்ளத்தில் அடித்துச்செல்லப்பட்டுள்ளன.