20% இடஒதுக்கீடு போராட்டம்: சென்னையில் மின்சார ரயில் மீது பாமக-வினர் சரமாரி கல்வீசி தாக்குதல்...புகைப்படங்கள்!!

வன்னியர்களுக்கு 20% இடஒதுக்கீடு அளிக்கும் சென்னை போராட்டத்தில் பங்கேற்க வந்த பாமகவினர் பெருங்களத்தூரில் மின்சார ரயில்கள் மீது சரமாரியாக கற்களை வீசி தாக்குதல் நடத்தியதால் பதற்றம் ஏற்பட்டது. கடற்கரை முதல் தாம்பரம் வரையிலான ரயில் சேவை தற்காலிகமாக ரத்து செய்யப்பட்டுள்ளது. இடஒதுக்கீடு கோரி போராட்டம் நடத்தும் பாமக-வினர் ரயில் மீது கல்வீச்சில் ஈடுபட்டுள்ளனர். ரயில் தண்டவாளங்களில் ஆங்காங்கே பாமக-வினர் போராட்டத்தில் ஈடுபட்டு வருகின்றனர். போராட்டத்தில் பங்கேற்பதற்காக சென்னை நோக்கி வந்த பாமக-வினரை போலீசார் பெருங்களத்தூர் அருகே தடுத்து நிறுத்தினர். முக்கிய நிர்வாகிகள் மட்டுமே சென்னைக்குள் அனுமதிக்கப்படுவர். மற்றவர்கள் திரும்பிச்செல்ல வேண்டும் என்று போலீசார் அறிவுறுத்தியுள்ளனர். போலீசாரின் நடவடிக்கையை கண்டித்து பாமக-வினர் ஜி.எஸ்.டி சாலையின் இருபுறமும் போராட்டத்தில் ஈடுபட்டு வருகிறனர்.