ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

ராஜஸ்தான் மாநிலம் ஜெய்ப்பூரில் உள்ள அமெர் கோட்டையில் யானை சவாரிக்கு அனுமதியளிக்கப்பட்டுள்ளது. கடந்த மார்ச் மாதம் கொரோனா பரவல் காரணமாக யானை சவாரிக்கு தடைவிதிக்கப்பட்டிருந்த நிலையில் மீண்டும் யானை சவாரி தொடங்கியுள்ளது. ஆனால் யானைப் பாகன்கள் ஜெய்ப்பூரில், சுற்றுலா பாதிக்கப்பட்டதால் கவலையில் ஆழ்ந்துள்ளனர். இங்கு 96 யானைகள் உள்ளன. ஊரடங்கு காலங்களில் யானைகளை பார்க்க ஒருவரும் வராத நிலையில், இந்த நிலைமை மாறும் என்ற நம்பிக்கையில் யானைப் பாகன்கள் காத்திருக்கின்றனர்.