ரிசாட்-2பிஆர்1 உள்ளிட்ட 10 செயற்கைகோள்கள் பிஎஸ்எல்வி-சி48 ராக்கெட் மூலம் வெற்றிகரமாக விண்ணில் நிலை நிறுத்தப்பட்டது.

புவி கண்காணிப்புக்கு பேரூதவியாக இருக்கும் ரிசாட் 2 பிஆர் 1 செயற்கைக்கோள் உள்ளிட்ட 10 செயற்கைக்கோள்கள் பிஎஸ்எல்வி சி 48 ராக்கெட் மூலம் இன்று வெற்றிகரமாக புவி வட்டப்பாதையில் நிலை நிறுத்தப்பட்டது. இந்திய விண்வெளி ஆராய்ச்சி அமைப்பான இஸ்ரோ ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து பி.எல்.எஸ்.வி.சி-48 ராக்கெட்டை ஏவியது. பத்து செயற்கை கோள்களை சுமந்து கொண்டு அந்த ராக்கெட் மதியம் 3.25 மணிக்கு விண்ணில் பாய்ந்தது.மண்ணில் இருந்து விண்ணில் பாய்ந்த 16 வது நிமிடத்தில் அந்த ராக்கெட்டில் இருந்து இந்திய செயற்கை கோளான ரிசாட் -2 பிஆர் 1, பிரிக்கப்பட்டு வெற்றிகரமாக விண்ணில் நிலை நிறுத்தப்பட்டது.