SUN குழுமத்திலிருந்து வெளிவரும் காலை நாளிதழ்

நயாகரா நீர்வீழ்ச்சியில் நகரத் தொடங்கியுள்ள நூற்றாண்டு கப்பல்..: சில தினங்களில் அருவியில் இருந்து கீழே விழும் என தகவல்

1493
06/11/2019

அமெரிக்கா மற்றும் கனடா எல்லைகளில் பரந்து விரிந்துள்ள நயாகரா நீர்வீழ்ச்சி உலகப் புகழ்பெற்ற சுற்றுலாத் தலமாக உள்ளது. கடந்த 1918ம் ஆண்டு, நீர்வீழ்ச்சி அருகே கப்பல் பயணம் மேற்கொண்ட இருவர், கரையோரம் கப்பலை நங்கூரமிட்டு நிறுத்திவிட்டு ஓய்வெடுத்துள்ளனர். ஆனால் திடீரென ஏற்பட்ட வெள்ளப்பெருக்கில், கப்பலுடன் இருவரும் அடித்து செல்லப்பட்டுள்ளனர். அவர்கள் அன்றைய தினமே பத்திரமாக மீட்கப்பட்ட நிலையில், அவர்கள் சென்ற scow என்ற கப்பல் நீர்வீழ்ச்சியின் ஒரு ஓரம் சிக்கி கொண்டது. அதன் பிறகு அந்த கப்பல் 150 அடி ஆழத்தில் மூழ்கியது. பிரமாண்ட நீர்வீழ்ச்சியான நயாகராவின் நீரோட்டத்துக்கு அசைந்து கொடுக்காமல் கிட்டத்தட்ட 101 ஆண்டுகள் அந்த கப்பல் சிக்கியிருந்தது. இந்த நிலையில், கடந்த சில தினங்களுக்கு முன்பு பலத்த சூறாவளி காற்று வீசியதன் காரணமாக பாறைகளுக்கு இடையில் சிக்கியிருந்த கப்பல் நகர்ந்து, நீருக்கு வெளியே வந்தது. பின்னர் ஆற்றின் நீரோட்டத்தில் அடித்து வரப்பட்ட அந்த படகு தற்போது அந்த நீர்வீழ்ச்சிக்கு மிக அருகில் நீரால் அலைக்கழிக்கப்பட்டு வருகிறது. தற்போது அப்பகுதியில் காற்றின் வேகம் அதிகமாக இருப்பதால் படகு மேலும் இழுத்து செல்லப்பட்டு அருவியிலிருந்து கீழே தள்ளப்படும் என நயாகரா நகர அதிகாரிகள் தெரிவித்துள்ளனர்.

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்