SUN குழுமத்திலிருந்து வெளிவரும் காலை நாளிதழ்

கோவை ரயில்நிலையத்தில் நிலவேம்பு கசாயம் வினியோகம்

3/20/2020 12:54:31 AM

கோவை, மார்ச் 20:  கோவை மலுமிச்சம்பட்டி  நாகசக்தி அம்மன் பீடம் மற்றும்  எஸ்.ஆர்.எம்.யூ இணைந்து கோவை ரயில்நிலையத்தில் கொரோனோ வைரஸை தடுக்கும் பார்முலா 2 நிலவேம்பு கசாயம் வழங்கும் நிகழ்ச்சி நேற்று நடந்தது. இந்நிகழ்ச்சிக்கு சித்தர் சிவசண்முக சுந்தரம் பாபுஜி சுவாமிகள் தலைமை வகித்தார். எஸ்.ஆர்.எம்.யு சேலம் கோட்ட செயலாளர் கோவிந்தன், கோவை கிளை தலைமை செயலாளர் ஜான், டாக்டர் ரமேஷ், மகேஷ் விஸ்வ ஜன முன்னேற்ற கழக நிறுவனர் வேல்முருகன் ஆகியோர் முன்னிலை வகித்தனர். இதில், ரயில்நிலையத்தில் இருந்த பயணிகளுக்கு நிலவேம்பு கசாயம் வழங்கப்பட்டது.  மேலும், கொரோனா குறித்த விழிப்புணர்வு நோட்டீஸ் வழங்கப்பட்டது. இதில், நாகசக்தி அம்மன் கோயில் நிர்வாகிகள் கணேஷ்குமார், முருகன், குமார் உட்பட பலர் கலந்துகொண்டனர். இது குறித்து சித்தர் சுவசண்முக சுந்தரம் பாபுஜி சாமிகள் கூறுகையில், ‘‘உலகை பயமுறுத்தி வரும் கொரோனோ வைரஸ் குறித்து பொதுமக்கள் அச்சப்பட தேவையில்லை. நமது உடம்பில் போதுமான அளவு எதிர்ப்பு சக்தி இருந்தால் எந்தவிதமான விஷகாய்ச்சலும் நமக்கு வராது. இது குறித்த விழிப்புணர்வை ஏற்படுத்தும் வகையில் முதல் கட்டமாக கோவை ரயில்நிலையத்தில் 10 ஆயிரம் பேருக்கு நிலவேம்பு கசாயம் வழங்கி வருகிறோம். மேலும் தமிழகம் முழுவதும் 5 லட்சம் பேருக்கு நிலவேம்பு கசாயம் வழங்கப்படும்,’’ என்றார்.

மேலும் செய்திகள்

Like Us on Facebook Dinkaran Daily News
  • 20-09-2020

    20-09-2020 இன்றைய சிறப்பு படங்கள்

  • 18-09-2020

    18-09-2020 இன்றைய சிறப்பு படங்கள்

  • birthdayceleb17

    இந்திய பிரதமர் நரேந்திர மோடியின் 70வது பிறந்தநாள்!: நாடு முழுவதும் பா.ஜ.க-வினர் கேக் வெட்டியும், இனிப்பு வழங்கியும் உற்சாக கொண்டாட்டம்..!!

  • guinness17

    2021 உலக கின்னஸ் சாதனை புத்தகத்தில் இடம் பெற்ற சாதனையாளர்களின் புகைப்படங்கள்..!!

  • amavasai17

    மஹாளய அமாவாசை!: மறைந்த நம் முன்னோர்களுக்கு திதி தர்ப்பணம் கொடுக்க உகந்த நாள்...பித்ரு வழிபாடு செய்வது சிறப்பு..!!

படங்கள் வீடியோ கல்வி சினிமா ஜோ‌திட‌ம்