SUN குழுமத்திலிருந்து வெளிவரும் காலை நாளிதழ்

கொல்லம்பாளையம் ரயில்வே பாலத்தில் போக்குவரத்து நெரிசல்

11/30/2020 4:30:42 AM

ஈரோடு, நவ. 30: ஈரோடு கொல்லம்பாளையம் ரயில்வே நுழைவு பாலத்தில் தொடரும் போக்குவரத்து நெரிசலால் வாகன ஓட்டிகள் மிகுந்த சிரமத்திற்குள்ளாகி வருகின்றனர். ஈரோடு ரயில்வே காலனி அருகே கொல்லம்பாளையம் ரயில்வே நுழைவு பாலம் உள்ளது. இந்த பாலத்தில் காளைமாட்டு சிலை பகுதியில் இருந்து செல்லும் கனரக வாகனங்கள், இலகு ரக வாகனங்கள் இருவழிப்பாதையில் செல்ல அனுமதிக்கப்படுகிறது. அதேபோல், பூந்துறை ரோடு, கரூர் ரோட்டில் இருந்து வரும் இலகு ரக வாகனங்கள் கொல்லம்பாளையம் ரவுண்டானாவில் இருந்து நுழைவு பாலத்தில் ஒரு வழிப்பாதையில் செல்ல அனுமதிக்கப்படுகிறது. கனரக வாகனங்கள் ரயில்வே பாலத்தில் மோதும் நிலை இருப்பதால், அந்த வாகனங்களை தடுத்து நிறுத்தும் வகையில் இரும்பால் ஆன தடுப்புகள் அமைக்கப்பட்டுள்ளது. ஈரோட்டில் இருந்து கரூர், பழனி, மதுரை போன்ற தென் மாவட்டங்களுக்கு இயக்கப்படும் பஸ்கள், கனரக வாகனங்கள் 80 சதவீதம் இந்த நுழைவு பாலம் வழியாகவே இயக்கப்பட்டு வருகிறது.

இதனால், இந்த நுழைவு பாலத்தில் காலை 8 மணி முதல் காலை 11 மணி வரையிலும், மாலை 6 மணி முதல் இரவு 8 மணி வரையிலும் போக்குவரத்து நெரிசல் நிறைந்து காணப்படும். மேலும், நுழைவு பாலத்தில் கனரக வாகனங்களுக்கு தடுக்கும் இரும்பு தடுப்புகளில் அடிக்கடி வாகனங்கள் சிக்கி விபத்திற்குள்ளாவதும் தொடர் கதையாகி வருகிறது. எனவே, கொல்லம்பாளையம் ரயில்வே நுழைவு பாலத்தில் ஏற்படும் போக்குவரத்து நெரிசலை கட்டுப்படுத்த சாலையை விரிவாக்கம் செய்ய வேண்டும் அல்லது கொல்லம்பாளையம் பகுதியில் புதிதாக மேம்பாலம் அமைக்க மாவட்ட நிர்வாகம் நடவடிக்கை எடுக்க வேண்டும் என வாகன ஓட்டிகளும், பொதுமக்களும் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • 21-01-2021

    21-01-2021 இன்றைய சிறப்பு படங்கள்

  • nailssss_SSS

    உலகின் மிக நீளமான நகங்களைக் வளர்த்திருக்கும் பெண்மணி!!!

  • gujrat-acc20

    குஜராத்தில் கோர விபத்து: தூங்கிக் கொண்டிருந்தவர்கள் மீது சரக்கு லாரி ஏறியதில் குழந்தை உட்பட 16 பேர் உடல் நசுங்கி பலி..!!

  • odisaa_satueesss

    ஒடிசா கடற்கரையில் மணற் சிற்பக் கலைஞர் சுதர்ஷன் பட்நாயக் அமைத்துள்ள கண்கவர் மணற் சிற்பங்கள்!!

  • 20-01-2021

    20-01-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்