SUN குழுமத்திலிருந்து வெளிவரும் காலை நாளிதழ்

நிவர் புயலால் நீலகிரி மாவட்டத்திற்கு பாதிப்பு ஏதுமில்லை

11/27/2020 1:54:38 AM

ஊட்டி,நவ.27: நிவர் புயல் தாக்கம் நீலகிரி மாவட்டத்தில் பரவலாக எதிரொலிக்காத நிலையில், ஊட்டி நகரில் மட்டும் நேற்று முன்தினம் இரவு மழை கொட்டியது. வங்க கடலில் உருவான நிவர் புயல் நேற்று அதிகாலை கரையை கடந்த போதிலும் சென்னை, கடலூர், பாண்டிச்சேரி ஆகிய பகுதிகளில் மழை பெய்து வருகிறது. இந்த மழையின் தாக்கம் கடலோர மாவட்டங்கள் மட்டுமின்றி, உள் மாவட்டங்களிலும் காணப்படும் என தெரிவிக்கப்பட்டிருந்தது. மலை மாவட்டமான நீலகிரி மாவட்டத்திலும் இந்த மழையின் தாக்கம் இருக்க கூடும் என கூறப்பட்டது. இதனால், அனைத்து துறைகளையும் மாவட்ட நிர்வாகம் உஷார் படுத்தியது. நிவாரண மற்றும் மீட்பு பணிகளை மேற்கொள்ள அனைத்துைறயினர் மற்றும் தீயணைப்புத்துறையினர் முன் எச்சரிக்கை நடவடிக்கையில் ஈடுபட்டனர். அனைத்து புயல் நிவாரண மையங்களும் திறக்கப்பட்டன.

இந்நிலையில், நீலகிரி மாவட்டத்தில் நிவர் புயலின் தாக்கம் இல்லாமல் போனது. நேற்று முன்தினம் முதல் முன் நீலகிரி மாவட்டத்தில் பகல் நேரங்களில் வழக்கம் போல், வெயில் காணப்பட்டது. நேற்று முன்தினம் பிற்பகலுக்கு மேல் வானம் மேக மூட்டத்துடன் காணப்பட்டது. எனினும், ஊட்டி நகரில் மட்டுமே நேற்று முன்தினம் இரவு முழுக்க மழை கொட்டித் தீர்த்தது. எனினும் எந்த ஒரு பாதிப்பும் ஏற்படவில்லை.  நேற்று காலை முதல் மாலை வரை வெயில் மற்றும் அவ்வபபோது மேக மூட்டம் சூழ்ந்து மாறுப்பட்ட காலநிலை நீடித்தது. நிவர் புயல் நீலகிரி மாவட்டத்தை பாதிக்காத நிலையில், பொதுமக்கள், விவசாயிகள் மற்றும் அதிகாரிகள் நிம்மதியடைந்தனர்.

நேற்று நீலகிரியில் பெய்த மழையின் அளவு மி.மீ.,ல்: ஊட்டி 25, நடுவட்டம் 5, கல்லட்டி 5, கிளன்மார்கன் 7, கேத்தி 8, குன்னூர் 1.5, கோத்தகிரி 9, கோடநாடு 18. நேற்று பகல் நேரங்களில் வானம் மேக மூட்டத்துடன் காணப்பட்டதால் மாலை முதல் அதிகாலை வரை குளிரும் சற்று அதிகமாக காணப்பட்டது.

மேலும் செய்திகள்

Like Us on Facebook Dinkaran Daily News
  • 14-01-2021

    14-01-2021 இன்றைய சிறப்பு படங்கள்

  • master13

    9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்

  • bogi13

    பழையன கழிதலும் புதியன புகுதலும்!: தமிழகத்தில் போகி பண்டிகையை உற்சாகத்துடன் வரவேற்ற மக்கள்..!!

  • 13-01-2021

    13-01-2021 இன்றைய சிறப்பு படங்கள்

  • corona-vaccine12

    கொரோனாவுக்கு குட்பாய் சொல்லும் நேரம் இது!: புனேவில் இருந்து 5.36 லட்சம் கோவிஷீல்டு கொரோனா தடுப்பூசிகள் சென்னை வந்தன..புகைப்படங்கள்

படங்கள் வீடியோ கல்வி சினிமா ஜோ‌திட‌ம்