SUN குழுமத்திலிருந்து வெளிவரும் காலை நாளிதழ்

மீன்வளத்தை பாதுகாக்க புதிய தொழில்நுட்பங்களை கண்டறிய வேண்டும் துணைவேந்தர் பேச்சு

11/25/2020 3:25:56 AM

காரைக்குடி, நவ.25: காரைக்குடி அழகப்பா பல்கலைக்கழக மீன்வள அறிவியல் துறை, விலங்கு நலன் மற்றும் மேலாண்மை துறை சார்பில் நிலையான மீன் வளத்திற்கான அடுத்த தலைமுறை தொழில்நுட்பம் என்ற தலைப்பில் இணையவழி கருத்தரங்கம் நடந்தது. மீன்வள அறிவியல் துறை தலைவர் கண்ணபிரான் வரவேற்றார். துணைவேந்தர் ராஜேந்திரன் துவக்கி வைத்து பேசுகையில், பருவநிலை மாற்றம் அதிக அளவிலான மீன்பிடிப்பு போன்ற காரணிகளால் மீன்வளம் வெகுவாக பாதிக்கப்படுகிறது. அதனை ஈடுகட்டும் வகையில் அனைத்து மீன்வள ஆராய்ச்சி நிறுவனங்கள், துறை சார்ந்த நிறுவனங்கள் கல்வி நிறுவனங்கள் ஆகியன இணைந்து ஆராய்ச்சிகளை மேற்கொண்டு புதிய தொழில் நுட்பங்களை கண்டறிந்து நிலையான மீன் வளத்தை பாதுகாக்க வேண்டும்.

மகளிருக்கு மீன்வளம் துறை சார்ந்த வேலைவாய்ப்புகளை பெருக்க வேண்டும். இப்பல்கலைக் கழக தொண்டி வளாகத்தில் உள்ள மீன்வள மையத்தை புதிய ஆராய்ச்சிகளுக்கு நன்கு பயன்படுத்த வேண்டும் என்றார். இதில் லக்னோ இந்திய விவசாய ஆராய்ச்சி நிறுவனம் மற்றும்  மீன் மரபணு தேசிய நிறுவன இயக்குநர் குல்தீப் கே லால், கொச்சி கடல்சார் வளங்கள் மற்றும் சூழலியல் மைய அதிகாரி சரவணன், இந்திய விவசாய ஆராய்ச்சி நிறுவன தேசிய மீன்வள மரபணு மையத்தின் முதன்மை அறிவியலார் அஜித்குமார், அழகப்பா பல்கலைக்கழக விலங்குநலன் மற்றும் மேலாண்மைத்துறை தலைவர் வசீகரன் உள்பட பலர் கலந்து கொண்டனர். முனைவர் பிரபு ஏற்பாடுகளை செய்திருந்தார். பேராசிரியர் கோவிந்தசாமி நன்றி கூறினார்.

மேலும் செய்திகள்

Like Us on Facebook Dinkaran Daily News
  • alangaa_jaallii

    அலங்காநல்லூர் ஜல்லிக்கட்டு போட்டியை முதல்வர் பழனிசாமி, துணை முதல்வர் ஓ பன்னீர் செல்வம் கொடியசைத்து தொடங்கி வைத்தனர்

  • stalinnnraa

    மாட்டு வண்டியை ஒட்டிய மு.க.ஸ்டாலின்... மக்களுடன் அமர்ந்து உணவு சாப்பிட்ட முதல்வர் பழனிசாமி, ராகுல் காந்தி!!

  • 16-01-2021

    16-01-2021 இன்றைய சிறப்பு படங்கள்

  • 14-01-2021

    14-01-2021 இன்றைய சிறப்பு படங்கள்

  • master13

    9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்

படங்கள் வீடியோ கல்வி சினிமா ஜோ‌திட‌ம்