SUN குழுமத்திலிருந்து வெளிவரும் காலை நாளிதழ்

தமிழகத்திலே முதல்முறையாக திருநங்கைக்கு குடும்ப சொத்தில் பங்கு தர உத்தரவு உசிலம்பட்டி ஆர்டிஓ அதிரடி

11/25/2020 3:22:29 AM

உசிலம்பட்டி, நவ. 25: உசிலம்பட்டி அருேக தமிழகத்திலே முதல்முறையாக திருநங்கைக்கு குடும்ப சொத்தில் பங்கு தர ஆர்டிஓ உத்தரவிட்டுள்ளார். மதுரை மாவட்டம், உசிலம்பட்டி அருகே அய்யனார்குளத்தை சேர்ந்த காந்தி மகன்கள் அன்புராஜன், அய்யாத்துரை, ரவீந்திரன். இவர்களது தாய் ராஜாத்தி பெயரில் போடுவார்பட்டி கிராமத்தில் சொத்துக்கள் உள்ளது. இந்நிலையில் அன்புராஜன் கடந்த 2012ம் ஆண்டு சென்னை கீழ்பாக்கத்திலுள்ள அரசு மருத்துவமனையில் திருநங்கை என சான்றிதழ் பெற்று ஊர்வசி என பெயர் மாற்றம் செய்து திருநங்கையாக மாறி விட்டார். மேலும் மதுரை மாவட்ட சமூகநல அலுவலகத்தில் தமிழ்நாடு திருநங்கைகள் நலவாரிய உறுப்பினராகவும் உள்ளார். இவர் தற்போது மதுரை அரசடி ராமலிங்கநகர் முதல் தெருவில் வசித்து வருகிறார்.

இவரது தாய் ராஜாத்தி பெயரிலுள்ள சொத்து அன்புராஜன் என கூட்டுப்பட்டாவில் தாக்கலாகி உள்ளது. இப்பெயரை காரணம் காட்டி திருநங்கையான ஊர்வசிக்கு சொத்தை பிரித்து தர இவரது சகோதரர்கள் அய்யாத்துரை, ரவீந்திரன் மறுத்து விட்டனர். இதுதொடர்பாக உசிலம்பட்டி ஆர்டிஓ அலுவலகத்தில் ஊர்வசி புகார் அளித்தார். அதன்பேரில் விசாரணை செய்த ஆர்டிஓ ராஜ்குமார் கூட்டுப்பட்டாவில் அன்புராஜன் (எ) ஊர்வசி என திருத்தம் செய்யப்பட்டு சொத்தில் 3ல் ஒருபங்கு வழங்க உத்தரவிட்டுள்ளார். மேலும் திருநங்கை என பாலினத்தை காரணம் காட்டி சொத்தை தர மறுப்பது சட்டப்படி குற்றம், எனவே உத்தரவுப்படி செய்யாவிட்டால் சம்மந்தப்பட்ட தரப்பினர்கள் மீது சட்டப்பூர்வமாக நடவடிக்கை எடுக்கப்படும் என ஆர்டிஓ தெரிவித்தார். தமிழகத்திலே திருநங்கைக்கு குடும்ப சொத்தில் பங்கு பிரித்து கொடுத்துள்ளது இதுவே முதல்முறை என்பது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • 14-01-2021

    14-01-2021 இன்றைய சிறப்பு படங்கள்

  • master13

    9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்

  • bogi13

    பழையன கழிதலும் புதியன புகுதலும்!: தமிழகத்தில் போகி பண்டிகையை உற்சாகத்துடன் வரவேற்ற மக்கள்..!!

  • 13-01-2021

    13-01-2021 இன்றைய சிறப்பு படங்கள்

  • corona-vaccine12

    கொரோனாவுக்கு குட்பாய் சொல்லும் நேரம் இது!: புனேவில் இருந்து 5.36 லட்சம் கோவிஷீல்டு கொரோனா தடுப்பூசிகள் சென்னை வந்தன..புகைப்படங்கள்

படங்கள் வீடியோ கல்வி சினிமா ஜோ‌திட‌ம்