SUN குழுமத்திலிருந்து வெளிவரும் காலை நாளிதழ்

மகிளா காங். நிர்வாகி தற்கொலை முயற்சி புதுச்சேரியில் பரபரப்பு

11/25/2020 1:36:54 AM

புதுச்சேரி, நவ. 25:புதுச்சேரி ரெயின்போ நகரை சேர்ந்த சகாயராஜ் மனைவி நிஷா. புதுச்சேரி மாநில மகிளா காங்கிரஸ் பொதுச்செயலாளரான இவர், சென்னை மற்றும் புதுச்சேரியில் பியூட்டி பார்லர் நடத்தி வருகிறார். கடன் தொல்லை காரணமாக இவர் அளவுக்கு அதிகமாக தூக்க மாத்திரை சாப்பிட்டு தற்கொலை முயற்சி செய்துள்ளார். உடனே அவரை புதுச்சேரி அரசு மருத்துவமனையில் சிகிச்சைக்காக சேர்த்தனர். அங்கிருந்து அவர் திடீரென மாயமாகிவிட்டார்
இதற்கிடையே தற்கொலை முயற்சிக்கான காரணம் குறித்து நிஷா பேசிய வீடியோ சமூக வலைதளங்களில் தற்போது வேகமாக பரவி வருகிறது. அந்த வீடியோவில், கடந்த 2017ல் துபாயில் டைல்ஸ் தொழிலில் முதலீடு செய்வதாக ஒரு நபர் கூறியதன்பேரில் திருச்சியை சேர்ந்த ஒரு நபரிடம் ரூ.2 கோடி வரை கொடுத்ததாகவும், ஆனால் அந்த திருச்சி நபர் திடீரென இறந்து விட்டார் எனவும் கூறியுள்ளார்.

புதுச்சேரியை சேர்ந்த காங்கிரஸ் பிரமுகர் ஒருவரிடம் ரூ.33 லட்சம் வாங்கி, திருச்சி நபரிடம் கொடுத்ததாகவும், கொடுத்த கடனை திரும்பக்கேட்டு காங்கிரஸ் பிரமுகர் தொல்லை கொடுத்து வருவதாகவும் அவர் வீடியோவில் பேசியுள்ளார்.
இதற்கிடையே இந்த சம்பவம் குறித்து பெரியகடை போலீசார் விசாரணை நடத்தி வருகின்றனர். மகிளா காங். பொதுச்செயலாளர் தற்கொலைக்கு முயன்ற சம்பவம் புதுச்சேரியில் பெரும் பரபரப்பை ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • alangaa_jaallii

    அலங்காநல்லூர் ஜல்லிக்கட்டு போட்டியை முதல்வர் பழனிசாமி, துணை முதல்வர் ஓ பன்னீர் செல்வம் கொடியசைத்து தொடங்கி வைத்தனர்

  • stalinnnraa

    மாட்டு வண்டியை ஒட்டிய மு.க.ஸ்டாலின்... மக்களுடன் அமர்ந்து உணவு சாப்பிட்ட முதல்வர் பழனிசாமி, ராகுல் காந்தி!!

  • 16-01-2021

    16-01-2021 இன்றைய சிறப்பு படங்கள்

  • 14-01-2021

    14-01-2021 இன்றைய சிறப்பு படங்கள்

  • master13

    9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்

படங்கள் வீடியோ கல்வி சினிமா ஜோ‌திட‌ம்