SUN குழுமத்திலிருந்து வெளிவரும் காலை நாளிதழ்

புதுச்சேரி, கடலூர் பஸ் போக்குவரத்து ரத்து சென்னை வழித்தடத்தில் மாற்றம் நிவர் புயல் எச்சரிக்கையால் திருவண்ணாமலையில் இருந்து

11/25/2020 1:31:24 AM

திருவண்ணாமலை, நவ.25: நிவர் புயல் எச்சரிக்கை காரணமாக, திருவண்ணாமலையில் இருந்து புதுச்சேரி மற்றும் கடலூர் செல்லும் பஸ் போக்குவரத்து நிறுத்தப்பட்டுள்ளது. வங்கக்கடலில் உருவாகியிருக்கும் நிவர் புயலால், கடலோர மாவட்டங்களில் பாதிப்பு ஏற்படலாம் என வானிலை ஆய்வு மையம் எச்சரித்துள்ளது. அதோடு, 120 கிமீ வேகத்தில் காற்று வீசும், கனமழை பெய்யும் என தெரிவித்துள்ளது. அதனால், சாலையோர மரங்கள், மின்கம்பங்கள் விழுவதற்கான வாய்ப்புகள் அதிகம் உள்ளன. எனவே, அதையொட்டி, போக்குவரத்தை இயக்குவதில் பல்வேறு மாற்றங்கள் செய்யப்பட்டுள்ளது. அதன்படி, திருவண்ணாமலையில் இருந்து புதுச்சேரி, கடலூர் செல்லும் அனைத்து பஸ்களும் நேற்று மதியம் 2 மணியில் இருந்து நிறுத்தப்பட்டது. அதேபோல், விழுப்புரம் செல்லும் பஸ்களின் எண்ணிக்கையும் படிப்படியாக குறைக்கப்பட்டுள்ளது.

மேலும், திருவண்ணாமலையில் இருந்து திண்டிவனம், மேல்மருவத்தூர், செங்கல்பட்டு வழியாக சென்னை செல்லும் அனைத்து பஸ்களும் மாற்றுப்பாதையில் இயக்கப்படுகிறது. அதன்படி, திருவண்ணாமலையில் இருந்து வந்தவாசி, செய்யாறு, காஞ்சிபுரம் வழியாக சென்னைக்கு பஸ்கள் இயக்கப்படுகிறது. அதோடு, திருவண்ணாமலையில் இருந்து சென்னை செல்லும் பஸ்களின் எண்ணிக்கையையும் குறைத்துள்ளனர். இன்று காற்றும் கனமழையும் அதிகரித்தால், பஸ் போக்குவரத்தில் மேலும் பல மாற்றங்களை செய்ய அரசு போக்குவரத்துக்கழக அதிகாரிகள் முடிவு செய்துள்ளனர்.


மேலும் செய்திகள்

Like Us on Facebook Dinkaran Daily News
  • nailssss_SSS

    உலகின் மிக நீளமான நகங்களைக் வளர்த்திருக்கும் பெண்மணி!!!

  • gujrat-acc20

    குஜராத்தில் கோர விபத்து: தூங்கிக் கொண்டிருந்தவர்கள் மீது சரக்கு லாரி ஏறியதில் குழந்தை உட்பட 16 பேர் உடல் நசுங்கி பலி..!!

  • odisaa_satueesss

    ஒடிசா கடற்கரையில் மணற் சிற்பக் கலைஞர் சுதர்ஷன் பட்நாயக் அமைத்துள்ள கண்கவர் மணற் சிற்பங்கள்!!

  • 20-01-2021

    20-01-2021 இன்றைய சிறப்பு படங்கள்

  • asusiiiee_dravviii1

    ஆஸ்திரேலிய அணிக்கு எதிராக இளம் இந்திய அணி இமாலய வெற்றி :... வேற லெவல் சாதனை என குவியும் பாராட்டுக்கள்!!

படங்கள் வீடியோ கல்வி சினிமா ஜோ‌திட‌ம்