பொன்னமராவதி, நவ.22: மத்திய மாநில அரசுகளின் தொழிலாளர் விரோத நடவடிக்கைகளைக் கண்டித்து நவம்பர் 26ம் தேதி நடைபெறும் நாடு தழுவிய பொது வேலைநிறுத்தம் மற்றும் மறியலை விளக்கி மக்கள் சந்திப்பு இயக்கம் பொன்னமராவதியில் நடைபெற்றது. சிஐடியு மாவட்ட துணைச் செயலாளர் தீன் தலைமையில் நடைபெற்ற மக்கள் சந்திப்பு இயக்கத்தில் அனைத்து போக்குவரத்து சங்க பொதுச் செயலாளர் ரத்தினவேல் சிபிஎம் ஒன்றிய செயலாளர் என்.பக்ருதீன் ஏஐடியுசி பொறுப்பாளர் ஏனாதி ராசு சாலையோர வியாபாரிகள் சங்க நிர்வாகிகள் கண்ணன் ஒய்யம்மாள்,

சிபிஎம் சிங்கம்புணரி தாலுகா குழு உறுப்பினர் சிங்காரம் உள்ளிட்டோர் கலந்துகொண்டு பொன்னமராவதி பேருந்து நிலையம் அண்ணா சாலை மற்றும் கடை வீதி முழுவதும் மக்கள் மற்றும் வர்த்தகர்களை சந்தித்து கோரிக்கைகள் அடங்கிய நோட்டீஸ் வழங்கி வேலைநிறுத்தம் மற்றும் மறியலுக்கு ஆதரவு கோரினர்.