உத்தமபாளையம், நவ. 22:  தேனி மாவட்டத்தில் ஆண்டிபட்டி, கம்பம், தேவாரம், அனுமந்தன்பட்டி, போடி, மலையடிவாரத்தை ஒட்டியுள்ள மானாவாரி நிலங்களில் போர்வெல் போட்டு நெல்லிக்காய் விவசாயம் சுமார் 20 ஏக்கர் பரப்பில் நடக்கிறது. இங்கு விளையும் காய்கள் அனைத்தும் மதுரை மார்க்கெட்களுக்கு அனுப்பி வைக்கப்பட்டு விற்பனை செய்யப்படுகிறது. தற்போது கனமழை பெய்கிறது. ஆனால், கடந்த 6 மாதமாக சரியான மழை இல்லை. இதனால் நிலத்தடி நீர்மட்டம் சரிந்து நெல்லி விவசாயத்திற்கு தண்ணீர் கிடைக்கவில்லை. இதனால் சாதாரணமாகவே 1 கிலோ ரூ.100 வரை விற்பனை நடக்கும். நெல்லிக்காய் வரத்து அதிகமானால் இதன் விலை சரிந்து தற்போது 1 கிலோ ரூ.40க்கு விற்பனையாகிறது.

இது குறித்து விவசாயிகள் கூறுகையில், `` நெல்லிக்காய் விளைச்சல் அதிகரித்துள்ளது. தேனி மலையடிவாரத்தில இப்போதுதான் மழை பெய்தது. இதனால் பலனில்லை. போர்வெல் போட்ட இடங்களில் மட்டும் தண்ணீர் கிடைத்து விவசாயம் நடக்கிறது. ஆனாலும் கடந்த ஆண்டைவிட 50 சதவீதம் இந்த பகுதிகளில் குறைந்துள்ளது. இதனால் 1 கிலோ ரூ.40க்கு விலை போகிறது’’ என்றார்.