இலுப்பூர், நவ 21: அன்னவாசலில் ஏஐடியுசி, விவசாயிகள் சங்கம் மற்றும் விவசாய தொழிலாளர்கள் சங்கம் சார்பில் மத்திய அரசு விவசாயிகளின் விரோதமான வேளாண் திருத்த சட்டத்தை ரத்து செய்ய கோரி ஆர்ப்பாட்டம் நடத்தினர்.அன்னவாசல் பேருந்து நிறுத்தம் அருகே நடைபெற்ற ஆர்பாட்டத்தில் மத்திய அரசு விவசாயிகளின் விரோதமான வேளாண் திருத்த சட்டத்தை ரத்து செய்ய வேண்டும் தொழிலாளர் விரோத சட்டத்தை ரத்து செய்ய வேண்டும் என வலியுறுத்தப்பட்டது. இதில் ஏஜடியுசி தொழிற்சங்க தலைவர் தர்மராஜன், கட்டிட தொழிலாளர் சங்க மாவட்ட செயலாளர் சின்னையா, விவசாய தொழிலாளர் சங்கத்த்தின் ஒன்றிய செயலாளர் ராமன், விவசாய தொழிலாளர்சங்கத்தின் ஒன்றிய தலைவர் நாகராஜ், உள்பட திரளான விவசாய தொழிலாளர்கள் கலந்து கொண்டனர்.