போடி, நவ.20: போடியில் டூவீலரில் சென்ற வாலிபர் கீழே விழுந்து உயிரிழந்தார்.போடி முந்தல் குரங்கணி சாலையை சேர்ந்தவர் சுப்புராஜ் மகன் முனியாண்டி(36). இவர் போடி தனியார் கல்லூரி அருகே டூவீலரில் சென்று கொண்டிருந்தார். அப்போது நிலைதடுமாறி கீழே விழுந்தார்.இதில் பலத்த காயமடைந்த முனியாண்டி போடி அரசு மருத்துவமனையில் அனுமதிக்கப்பட்டார். பின்னர் மேல் சிகிச்சைக்காக மதுரை அரசு ராஜாஜி மருத்துவமனையில் சேர்க்கப்பட்டார். அங்கு சிகிச்சை பலனின்றி இறந்து போனார். இதுகுறித்து முனியாண்டியின் உறவினர் பிச்சைமணி கொடுத்த புகாரின் பேரில் போடி நகர் போலீசார் வழக்குப்பதிவு செய்து விசாரித்து வருகின்றனர்.