தர்மபுரி, நவ.11: தர்மபுரி மாவட்டத்தில் நேற்று 13 பேருக்கு கொரோனா தொற்று பாதிப்பு கண்டறியப்பட்டுள்ளது. அரூர் அம்பேத்கர் நகர் பகுதியைச் சேர்ந்த 62 வயது ஓய்வு பெற்ற காவலர், கடத்தூர் மேட்டுக்கொட்டாய் பகுதியில் 58 வயது கூலிதொழிலாளி, கம்பைநல்லூரில் 34 வயது பெண், ஒட்டப்பட்டியில் 49 வயது ஆண் உள்ளிட்ட 13 பேர் நேற்று கொரோனாவால் பாதிக்கப்பட்டு, தர்மபுரி அரசு மருத்துவக்கல்லூரி மருத்துவமனையில் சிகிச்கைக்காக அனுமதிக்கப்பட்டுள்ளனர். தர்மபுரி மாவட்டத்தில் மொத்தம் 5800பேர் கொரோனாவால் பாதிக்கப்பட்டனர். இதில் 5542பேர் குணமாகி வீடு திரும்பியுள்ள நிலையில், நேற்று ஒரேநாளில் மட்டுமு் 14 பேர் குணமடைந்து நோயில் இருந்து மீண்டுள்ளனர். ஆகமொத்தம் 208 பேர் சிகிச்சை பெற்று வருகின்றனர். இதுவரை மாவட்டத்தில் 50 பேர் கொரோனாவுக்கு பலியாகியுள்ளனர்.