SUN குழுமத்திலிருந்து வெளிவரும் காலை நாளிதழ்

செந்துறையில் மனுதர்ம நூல் குறித்து விழிப்புணர்வு பிரசுரம் வழங்கிய விசிகவினர் கைது

11/5/2020 4:54:07 AM

அரியலூர், நவ. 5: மனுதர்ம நூலை தடை செய்ய வேண்டும். மனுதர்ம நூலில் பெண்களை இழிவாக பேசியுள்ளதை விடுதலை சிறுத்தைகள் கட்சியினர் கிராமங்கள் தோறும் வீடுவீடாக சென்று எடுத்து கூற வேண்டுமென கட்சி தலைவர் திருமாவளவன் வலியுறுத்தினார். அதன்படி அரியலூர் மாவட்டம் செந்துறை பேருந்து நிலையத்தில் விடுதலை சிறுத்தைகள் கட்சி சார்பில் பொதுமக்களிடம் மனுதர்ம நூல் குறித்த விழிப்புணர்வு துண்டு பிரசுரங்கள் வழங்கும் நிகழ்ச்சி நடந்தது. விசிக மாநில பொறுப்பாளர் கருப்புசாமி தலைமை வகித்தார். இந்த தகவல் கிடைத்ததும் செந்துறை போலீசார் சம்பவ இடத்துக்கு சென்று துண்டு பிரசுரங்களை வழங்கிய பாலசிங்கம், பாலமுருகன், கந்தன் உட்பட 20 பேரை கைது செய்து தனியார் மண்டபத்தில் தங்க வைத்திருந்தனர். இதேபோல் திருமானூரில் துண்டு பிரசுரங்கள் வழங்கிய விசிகவினரை போலீசார் கைது செய்தனர்.

தா.பழூர்: தா.பழூர் அரசு ஆரம்ப சுகாதார நிலைய வளாகத்தில் 100 நாள் வேலை திட்ட பணிகள் நடந்த இடத்துக்கு விடுதலை சிறுத்தைகள் கட்சி மாவட்ட அமைப்பாளர் வேல்முருகன் தலைமையிலான கட்சி நிர்வாகிகள் சென்று தொழிலாளர்களிடம் மனுதர்மம் நூலின் குறிப்பிட்ட பக்கங்களின் பிரதிகளை துண்டு பிரசுரங்களாக வினியோகித்தனர். அப்போது தா.பழூர் இன்ஸ்பெக்டர் பேபி தலைமையிலான போலீசார் வந்து அனுமதியின்றி துண்டு பிரசுரங்கள் வழங்கிய மாவட்ட அமைப்பாளர் வேல்முருகன், நகர செயலாளர் செல்வம், மாநில தொண்டரணி துணை செயலாளர் தமிழ்மணி, மாவட்ட துணை செயலாளர்கள் வடிவேல், சக்கரவர்த்தி உள்ளிட்ட 11 பேரை கைது செய்தனர்.

மேலும் செய்திகள்

Like Us on Facebook Dinkaran Daily News
  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

  • france_elizabeth

    30 ஆண்டுகளுக்கு பிறகு பிரான்சில் பெண் பிரதமர் பதவியேற்பு..!!

  • assam-rain-17

    அசாமில் அடித்து நொறுக்கிய கனமழை!: வெள்ளத்தில் மூழ்கிய ரயில் நிலையம்...2 லட்சம் பேர் பாதிப்பு..!!

படங்கள் வீடியோ கல்வி சினிமா ஜோ‌திட‌ம்