SUN குழுமத்திலிருந்து வெளிவரும் காலை நாளிதழ்

கல்லட்டி மலைப்பாதையில் சாலை விரிவாக்க பணி மும்முரம்

10/28/2020 3:55:02 AM

ஊட்டி, அக். 28:  ஊட்டியில்  இருந்து மசினகுடி செல்லும் கல்லட்டி பகுதியில் சாலை  விரிவாக்க பணிகள் நடந்து வருகிறது. சுற்றுலா நகராமான ஊட்டிக்கு நாள் தோறும் ஏராளமான  சுற்றுலா பயணிகள் வெளி நாடுகள், வெளி மாநிலங்களில் இருந்து அதிகளவு  வருகின்றனர். இது போன்று இங்கு வரும் சுற்றுலா பயணிகளில் பெரும்பாலானவர்கள்  இயற்கை எழில் கொஞ்சும் முதுமலை புலிகள் காப்பகம் மற்றும் மசினகுடி போன்ற  பகுதிகளுக்கு செல்கின்றனர். பெரும்பாலானவர்கள் கர்நாடக மாநிலத்திற்கு  செல்லும் பிரதான சாலையாகவும் பயன்படுத்துகின்றனர்.

ஆனால், இச்சாலை  தலைகுந்தா முதல் வாழைத்தோட்டம் வரை செங்குத்தான மலைப்பாதையில்  அமைக்கப்பட்டுள்ளது. இதனால், இச்சாலையில் அடிக்கடி விபத்து ஏற்படுகிறது. குறிப்பாக, கல்லட்டி மலைப்பாதையில் செங்குத்தான சாலையில்  வாகனங்கள் பிரேக் பிடிக்காமல் கவிழ்வது வழக்கமாக உள்ளது. இந்நிலையில், இச்சாலையை விரிவாக்கம் செய்ய வேண்டும், விபத்துக்களை தடுக்க நடவடிக்கை எடுக்க  வேண்டும் என பொது மக்கள், வாகன ஓட்டிகள் வலியுறுத்தி வந்தனர்.
இதனை தொடர்ந்து  தற்போது நெடுஞ்சாலைத்துறையினர் கல்லட்டி மலைப்பாதையில் செங்குத்தான சாலையை  விரிவாக்கம் செய்யும் பணிகளை மேற்கொண்டு வருகின்றனர். இதன் மூலம் இனி இச்சாலையில் விபத்துக்கள் ஏற்படுவதை தடுக்க முடியும் என அதிகாரிகள்  தெரிவித்தனர்.

மேலும் செய்திகள்

Like Us on Facebook Dinkaran Daily News
  • jayallithaa_mmeerrr

    மறைந்த முன்னாள் முதல்வர் ஜெயலலிதாவிற்கு ரூ.80 கோடி செலவில் பீனிக்ஸ் பறவை வடிவில் நினைவிடம்

  • 27-01-2021

    27-01-2021 இன்றைய சிறப்பு படங்கள்

  • ramukudi

    குடியரசு தின விழாவில் பாரம்பரியத்தை பறைசாற்றும் கண்கவர் நிகழ்ச்சிகள் :மாமல்லபுரம் கடற்கரை கோவில், ராமர் கோவில் அலங்கார ஊர்திகள் பங்கேற்பு!!

  • autoooo_maaa

    சாலைகளில் படுத்து மறியல்... மாட்டு வண்டி, டிராக்டர்கள், ஆட்டோக்களில் பேரணி : விவசாயிகளுக்கு ஆதரவாக தமிழர்கள் ஆவேசப் போராட்டம்!!

  • vilaaaa_neeemm

    அலங்கார ஊர்திகளின் அணிவகுப்பு, சாகசங்கள், பாரம்பரிய நடனங்களோடு குடியரசு தின விழா கோலாகலம் : விழாக்கோலம் பூண்டது மெரினா!!

படங்கள் வீடியோ கல்வி சினிமா ஜோ‌திட‌ம்