SUN குழுமத்திலிருந்து வெளிவரும் காலை நாளிதழ்

பாதை வசதிக்கேட்டு மயானத்தில் காத்திருப்பு போராட்டம்

10/23/2020 1:52:27 AM

காளையார்கோவில், அக்.23: காளையார்கோயில் ஊராட்சிக்கு உட்பட்ட செந்தமிழ் நகரில் 200க்கும் மேற்பட்ட குடும்பங்கள் வசித்து வருகிறார்கள். இவர்களுக்கு இறந்தவர்களை புதைப்பதற்காக அப்பகுதியில் அரசு சார்பில் மயானம் கட்டப்பட்டுள்ளது. இந்த மயானத்திற்கு செல்வதற்காக தற்போது அரசு சார்பில் மெட்டல் ரோடு அமைக்கப்பட்டு வருகிறது. மயானத்திற்கு செல்லும் ரோடு, தனது பட்டா நிலத்தில் உள்ளதாக கூறி அதே பகுதியைச் சேர்ந்த ஒருவர் ரோட்டின் குறுக்கே ஜேசிபி இயந்திரம் மூலம் யாரும் நடக்க முடியாதவாறு குழிதோண்டி போட்டுள்ளார்.

இதுகுறித்து அப்பகுதியை சேர்ந்த பொதுமக்கள் காளையார்கோவில் போலீஸ் நிலையத்திற்கு தகவல் கொடுத்தனர். அதனடிப்படையில் வட்டாட்சியர், துணை வட்டாட்சியர் மற்றும் கிராம அலுவலர் சம்பவ இடத்திற்கு சென்றனர். கிராம நிர்வாக அலுவலர் கூறும்போது, இந்த மயானம் ஆதிதிராவிடர்களுக்கு சொந்தமான இடத்தில் கட்டப்பட்டுள்ளது. அதற்கான பதிவு பதிவேட்டில் உள்ளது என்று கூறியுள்ளார். இதுகுறித்து சர்வேயர் மூலம் அளந்து நடவடிக்கை எடுப்பதாக வட்டாட்சியர் கூறியும், எந்த நடவடிக்கையும் எடுக்கவில்லை.

இதனால் செந்தமிழ் நகர் கிழக்கு ஆதிதிராவிடர் சமூக மக்களின் மயானத்தில், ஆக்கிரமிப்புகளை அகற்றி 20 அடி மயான சாலை அமைத்து தர கோரியும், அரசு பதிவேட்டில் ஆதிதிராவிடர் மயான சாலை என பதிவு செய்ய கோரியும் விடுதலைச் சிறுத்தைகள் கட்சியின் சார்பில் நகரச் செயலாளர் வெற்றி விஜயன் தலைமையில் கிராம மக்கள் மயானத்தில் காத்திருப்பு போராட்டம் நடத்தினர். மீண்டும் ஓரிரு தினங்களில் உரிய நடவடிக்கை எடுப்பதாக உறுதியளித்ததன் பெயரில் ஆர்ப்பாட்டம் தற்காலிகமாக நிறுத்தி வைக்கப்பட்டது.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்