SUN குழுமத்திலிருந்து வெளிவரும் காலை நாளிதழ்

பொதுமக்கள் அச்சம் 5 நாட்கள் தொடர்ந்து தண்ணீர் திறப்பு கடல் போல் காட்சியளிக்கும் வெண்டயம்பட்டி பெரிய ஏரி

10/23/2020 1:43:08 AM

திருக்காட்டுப்பள்ளி, அக். 23: பூதலூர் தாலுகா வெண்டயம்பட்டி பெரிய ஏரிக்கு உய்யகுண்டான் நீட்டிப்பு வாய்க்கால் மூலம் 5 நாட்கள் தண்ணீர் வழங்கப்பட்டுள்ளது. இதனால் ஏரி நிரம்பி கடல் போல் காட்சியளிப்பதால் விவசாயிகள் மகிழ்ச்சி அடைந்தனர். புதிய கட்டளை மேட்டு வாய்க்கால், உய்யகுண்டான் நீட்டிப்பு வாய்க்கால்களில் போதுமான தண்ணீர் தொடர்ந்து வழங்க வேண்டும். பூதலூர் தாலுகா பாசன பகுதிகளை வஞ்சிக்கும் பொதுப்பணித்துறையை கண்டித்து தமிழ்நாடு விவசாய சங்க ஒன்றிய செயலாளர் ராமச்சந்திரன் தலைமையில் விவசாயிகள் சார்பில் கடந்த 15ம் தேதி திருச்சி- தஞ்சை தேசிய நெடுஞ்சாலையில் சானூரப்பட்டி, வளம்பக்குடி, புதுக்குடி ஆகிய இடங்களில் மறியல் போராட்டம் அறிவிக்கப்பட்டிருந்தது. இதுகுறித்து பூதலூர் தாசில்தார் சிவகுமார் தலைமையில் கடந்த 14ம் தேதி அதிகாரிகளுடன் நடந்த அமைதி பேச்சுவார்த்தையில் ஒப்பு கொண்டவாறு வெண்டயம்பட்டி பெரிய ஏரிக்கு 5 நாட்கள் முழுமையாக தண்ணீர் வழங்கப்பட்டது. மேலும் மழைநீரும் சேர்ந்து ஏரி நிறைந்து கடல் போல் காட்சியளித்தது. இதனால் தண்ணீர் வழங்கிய பொதுப்பணித்துறை அதிகாரிகளுக்கும், தாசில்தார் சிவகுமாருக்கும் விவசாயிகள் நன்றி கூறினர்.

மேலும் செய்திகள்

Like Us on Facebook Dinkaran Daily News
  • pramos1

    கப்பலை மிக துல்லியமாக தாக்கி அழிக்கும் பிரமோஸ் ஏவுகணையை வெற்றிகரமாக பரிசோதித்தது இந்தியா..!!

  • pamaka1

    20% இடஒதுக்கீடு போராட்டம்: சென்னையில் மின்சார ரயில் மீது பாமக-வினர் சரமாரி கல்வீசி தாக்குதல்...புகைப்படங்கள்!!

  • jammuele1

    ஜம்மு - காஷ்மீரில் மாவட்ட வளர்ச்சி கவுன்சில் தேர்தல்!: 2ம் கட்ட வாக்குப்பதிவு தொடங்கியது..ஆர்வமுடன் வாக்களிக்கும் மக்கள்..!!

  • nuclearscientist1

    ஈரானில் கொல்லப்பட்ட அணு விஞ்ஞானியின் உடல் டெஹ்ரான் நகரில் அடக்‍கம்!: இறுதி ஊர்வலத்தில் ஏராளமானோர் பங்கேற்பு..!!

  • 01-12-2020

    01-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்