SUN குழுமத்திலிருந்து வெளிவரும் காலை நாளிதழ்

இயற்கை முறை விவசாயம் செய்யும் விவசாயிகள் அங்ககச் சான்று பெறும் நடைமுறைகள் உதவி இயக்குனர் விளக்கம்

10/22/2020 3:58:25 AM

பரமக்குடி, அக்.22:  இயற்கை முறையில் விவசாயம் செய்யும் விவசாயிகள், அங்ககச் சான்று பெறும் நடைமுறைகள் குறித்து விவசாயிகளுக்கு உதவி இயக்குனர் சக்தி கணேஷ் விளக்கம் அளித்துள்ளார். அங்கக வேளாண்மை என்பது காலங்காலமாக விவசாயிகள் மேற்கொண்டு வரும் பாரம்பரிய விவசாயம். செயற்கையான ரசாயன ஊட்ட முறைகள், பயிர்பாதுகாப்பு முறைகளை தவிர்த்து, இயற்கையில் கிடைக்கக் கூடிய தொழு உரங்கள், உயிர் உரங்கள், மண்புழு உரங்கள் மற்றும் உயிர் கட்டுப்பாட்டு காரணிகளை கொண்டு மேற்கொள்ளும் பயிர் பாதுகாப்பு முறையாகும். இயற்கை வழி வேளாண்மை முறையில், சாகுபடி செய்யப்பட்ட வேளாண்மை தோட்டக்கலை மற்றும் இதர பயிர்களை விவசாயிகள் தனித்துவத்துடன், சந்தைப்படுத்துதல் மற்றும் ஏற்றுமதி செய்வதை ஊக்குவிப்பதற்காக, மத்திய அரசின் தேசிய அங்கக வேளாண்மை செயல் திட்டத்தின் படி, வேளாண்மை மற்றும் பதப்படுத்தப்பட்ட உணவுப் பொருட்கள் ஏற்றுமதி மற்றும் மேம்பாட்டு நிறுவனத்தின் வழிகாட்டுதல் மற்றும் அங்கீகாரத்தில் மூலம் செயல்படுத்தப்பட்டு வருகிறது.

இயற்கை வழி வேளாண்மை முறையில் சாகுபடி செய்யும் விவசாயிகள், தனி நபராகவோ அல்லது குழுக்களாகவும் பதிவு செய்து கொள்ளலாம். மேலும், அங்கு விளைபொருள்களை பதப்படுத்துவோர் மற்றும் ஏற்றுமதி செய்வோரும் பதிவு செய்யலாம். அங்ககச் சான்று பெற விவசாயிகள் அதற்கான பூர்த்தி செய்யப்பட்ட விண்ணப்பத்தினை, பொது விவரக்குறிப்பு, பண்ணையின் வரைபடம், ஆண்டு பயிர் திட்டம், மண் மற்றும் பாசன நீர் பரிசோதனை விவரம், துறையுடன் ஒப்பந்தம், நில ஆவணம், நிரந்தர கணக்கு, எண் ஆதார் அட்டை நகல், மற்றும் விண்ணப்பதாரரின் கடவுச்சீட்டு அளவு புகைப்படம் ஆகிய ஆவணங்களுடன் சான்று கட்டணத்தை செலுத்த வேண்டும்.

விவசாயம் மட்டுமின்றி கால்நடை வளர்ப்பு,தேனீ வளர்ப்பு, வணிகம் மற்றும் ஏற்றுமதி செய்பவரும் பதிவு செய்யலாம். கட்டணமாக சிறு மற்றும் குறு விவசாயிகளுக்கு ரூ.2700, விவசாயிகளுக்கு ரூ.3200, விவசாயிகள் குழுவிற்கு ரூ.7200 மற்றும் வணிக நிறுவனங்களுக்கு ரூ.9,400 என நிர்ணயம் செய்யப்பட்டுள்ளது. எனவே இயற்கை முறையில் சாகுபடி செய்யும் விவசாயிகள், இயற்கை வேளாண்மையில் அங்ககச் சான்று பெறும் நடைமுறைகள் குறித்து, ராமநாதபுரம் ஒழுங்குமுறை விற்பனை கூடம் வளாகத்தில் செயல்பட்டு வரும் மாவட்ட விதைச் சான்று மற்றும் அங்ககச் சான்று உதவி இயக்குநர் அலுவலகத்தை அணுகி பதிவு செய்து கொள்ளலாம் என விதைச் சான்று மற்றும் அங்ககச் சான்று உதவி இயக்குனர் சக்தி கணேஷ் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்