SUN குழுமத்திலிருந்து வெளிவரும் காலை நாளிதழ்

பொள்ளாச்சி கோட்டத்தில் கொரோனா பாதிப்பு 1000த்தை கடந்தது

10/22/2020 3:20:39 AM

பொள்ளாச்சி,அக்.22: பொள்ளாச்சி கோட்டத்தில், தாலுகாவிற்குட்பட்ட பகுதிகளில்  கடந்த மார்ச் மாதம் 25ம் தேதி கொரோனா ஊரடங்கு உத்தரவு பிறப்பிக்கப்பட்டதிலிருந்து, பல்வேறு சுகாதார பணியில், சுகாதாரத்துறையினர் மற்றும் வருவாய்துறையினர்  ஈடுபட்டனர். இருப்பினும், ஜூலை மாதம் முதல் கொரோனாவால் பாதிக்கப்பட்டவர்களின் எண்ணிக்கை அதிகரித்தது.  அதிலும், கடந்த சில மாதமாக  தினமும் 10  முதல் 15 வரையிலானோர்  கொரோனாவால் பாதிக்கப்பட்டு வந்தனர். கொரோனா தொற்றை கட்டுப்படுத்த ஊரடங்கு அறிவித்து 7 மாதங்களை கடந்தும், இன்னும் கொரோனா பாதிப்பு குறைந்த பாடில்லை என்று தெரியவருகிறது. பொள்ளாச்சி கோட்டத்திற்குட்பட்ட பொள்ளாச்சி, ஆனைமலை, கிணத்துக்கடவு தாலுகாக்களில் நேற்று முன்தினம் வரையிலும் கொரோனா தொற்றால் மொத்தம் 1007 பேர் பாதிக்கப்பட்டுள்ளனர். அவர்களில், 960 பேர் குணமடைந்து வீடு திரும்பி உள்ளனர். கொரோனாவால் இதுவரை 32 பேர் இறந்துள்ளது தெரிய வந்துள்ளது. கொரோனா பாதிப்பு எண்ணிக்கை அதிகரிப்பால், நகர் மற்றும் கிராமபுறங்களில்   தடுப்பு நடவடிக்கையில் தனிக்கவனம் செலுத்த நடவடிக்கை எடுக்கப்பட்டுள்ளதாக, சுகாதாரத்துறை அதிகாரிகள் தெரிவித்தனர்.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்