SUN குழுமத்திலிருந்து வெளிவரும் காலை நாளிதழ்

தேவராயநேரி உபரிநீர் விவகாரம்

10/20/2020 4:40:16 AM

திருச்சி, அக்.20: திருச்சி கலெக்டர் அலுவலகத்துக்கு வந்த நரிக்குறவர்கள் நேற்று மதியம் 2 மணியளவில் கலெக்டர் சிவராசு காரில் புறப்பட்டு வெளியே வந்தபோது அவரது காரை மறித்து முற்றுகையிட்டு மனு அளித்தனர். இதனால் பரபரப்பு ஏற்பட்டது. நரிக்குறவர்கள் அளித்த மனுவில் கூறியிருப்பதாவது: திருச்சி மாவட்டம் திருநெடுங்களம் பஞ்சாயத்துக்குட்பட்ட தேவராயநேரி கிரமத்தில் நரிகுறவர் காலனியில் 52 ஆண்டுகளாக வசித்து வருகிறோம். கடந்த 1966ம் ஆண்டு கலெக்டர் மலையப்பா நரிக்குறவர் வாழ்வாதாரத்தை முன்னேற்ற தேவராயநேரி மேட்டுப்பகுதி சர்வே எண்: 90/1ல் உள்ள சுமார் 120 ஏக்கர் நிலத்தை, 120 நரிக்குறவர்களுக்கு பிரித்துக் கொடுத்தார்.

எங்களுக்கு வழங்கிய நிலத்துக்கு ஆற்றுப்பாசனமோ, குளத்துப்பாசனமோ கிடையாது. பொய்கைக்குடி, அசூர், தஞ்சை மாவட்டம் புதுக்குடி ஆகிய கிராமங்களிலிருந்து வரும் உபரி நீரைக் கொண்டு விவசாயம் செய்து வருகிறோம். தற்போது ஆயிரம் தலைக்கட்டுகள் உள்ளோம். இருக்கும் நிலத்தை பிரித்து விவசாயம் செய்து வருகிறோம். இந்நிலையில் தேவராயநேரி கிராம மக்கள் கடந்த 15ம் தேதி கடப்பாரை, மண்வெட்டியுடன் வந்து எங்களுக்கு வரும் உபரி நீரை தேவராயநேரி குளத்துக்கு திருப்பி விட்டுள்ளனர். எனவே நேரில் வந்து ஆய்வு செய்து எங்களுக்கு உரிய நீர் கிடைக்க வழி செய்ய வேண்டும்’ என குறிப்பிட்டுள்ளனர். இது குறித்து உரிய விசாரணை மேற்கொள்வதாக கலெக்டர் கூறியதை அடுத்து அவர்கள் கலைந்து சென்றனர். இதனால் அங்கு பரபரப்பு ஏற்பட்டது.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்