SUN குழுமத்திலிருந்து வெளிவரும் காலை நாளிதழ்

தற்காலிக சுவர் எழுப்பி நடைபாதை மூடல்

10/20/2020 4:20:57 AM

ஊட்டி,அக்.20: ஊட்டியில் பொதுமக்கள் மற்றும் மாணவர்கள் பயன்படுத்தி வந்த நடைபாதையை நகராட்சி நிர்வாகம் சுவர் எழுப்பி மூடியதால் பொதுமக்கள் அதிருப்தி அடைந்துள்ளனர். ஊட்டி நகராட்சி அலுவலகத்திற்கு செல்ல இரு பாதைகள் உள்ளன. ஒன்று மருத்துவமனை சாலையில் இருந்து செல்லும் சாலை பிரதான சாலையில் உள்ளது. மற்றொன்று மார்க்கெட்டில் இருந்து அரசு பள்ளி வழியாக செல்லும் நடைபாதையாக உள்ளது. நகராட்சி வரும் 90 சதவீதம் மக்கள் மார்க்கெட்டில் இருந்து நகராட்சிக்கு செல்லும் நடைபாதையையே பல ஆண்டுகளாக பயன்படுத்தி வருகின்றனர். 36 வார்டுகளுக்குட்பட்ட மக்கள் பஸ்கள் மூலம் ஏடிசி., பகுதிக்கு வந்து, அங்கிருந்து மார்க்கெட் வழியாக நகராட்சி அலுவலகத்திற்கு செல்வது வழக்கம். அதுமட்டுமின்றி, நகராட்சிக்குட்பட்ட அனைத்து பகுதிகளில் இருந்து ஊட்டி அரசு ேமல்நிலைப்பள்ளிக்கு வரும் மாணவர்கள் கடந்த 50 ஆண்டுக்கு மேலாக இந்த நடைபாதையை பயன்படுத்தி வந்தனர்.

இந்நிலையில், நகராட்சி நிர்வாகம் திடீெரன தடுப்பு அமைத்து பாதையை மூடிவிட்டது. இதனால், பொதுமக்கள் மற்றும் பணியாளர்கள் பாதிக்கப்பட்டுள்ளனர். இந்த நடைபாதையை அடைத்தது தெரியாமல் பெரும்பாலான மக்கள் அலுவலகம் வரை சென்று ஏமாற்றத்துடன் திரும்புகின்றனர். குறிப்பாக, வயதானவர்கள், தூய்மை பணியாளர்கள் மற்றும் ெபண்கள் பாதிக்கப்பட்டுள்ளனர். இந்த நடைபாதையில் மாலை 6 மணிக்கு மேல் பயன்படுத்தக் கூடாது என நகராட்சி நிர்வாகம் அறிவித்தால் போதுமானது. அதை விடுத்து நடைபாதையை மூடியது பொதுமக்கள் மத்தியில் பெரும் அதிருப்தியை ஏற்படுத்தியுள்ளது. முன்னாள் கவுன்சிலர் ஜார்ஜ் கூறுகையில், பொதுமக்கள், தூய்ைம பணியாளர்கள் மற்றும் பள்ளி மாணவர்கள் பயன்படுத்திய இந்த நடைபாைதயை மீண்டும் திறக்க மாவட்ட நிர்வாகம் நடவடிக்கை எடுக்க வேண்டும்.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்