SUN குழுமத்திலிருந்து வெளிவரும் காலை நாளிதழ்

நவராத்திரி விழா நாளை தொடக்கம் பக்தர்களுக்கு அனுமதியில்லை திருவண்ணாமலை அண்ணாமலையார் கோயிலில்

10/16/2020 6:20:11 AM

திருவண்ணாமலை, அக்.16: திருவண்ணாமலை அண்ணாமலையார் கோயிலில் நவராத்திரி விழா நாளை தொடங்குகிறது. விழாவில் பங்கேற்க பக்தர்களுக்கு அனுமதியில்லை. திருவண்ணாமலை அண்ணாமலையார் கோயிலில் ஆண்டுதோறும் நடைபெறும் பிரசித்தி பெற்ற விழாக்களில், நவராத்திரி விழா தனிச்சிறப்பு மிக்கது. அதன்படி, இந்த ஆண்டு நவராத்திரி விழா நாளை தொடங்குகிறது. வரும் 25ம் தேதி வரை தொடர்ந்து 9 நாட்களும் பல்வேறு அலங்காரங்களில் அம்மன் எழுந்தருளி பக்தர்களுக்கு அருள்பாலிக்கிறார். அதன்படி நாளை இரவு 8 மணி அளவில், பராசக்தி அம்மன் அலங்கார ரூபத்தில் ஆஸ்தான மண்டபத்தில் இருந்து புறப்பட்டு, திருக்கல்யாண மண்டபத்தில் அருள்பாலிக்கிறார்.

நாளை மறுதினம் (18ம் தேதி) ராஜராஜேஸ்வரி அலங்காரத்திலும், 19ம் தேதி கெஜலட்சுமி அலங்காரத்திலும், 20ம் தேதி மனோன்மணி அலங்காரத்திலும், 21ம் தேதி ரிஷப வாகனத்திலும் பராசக்தி அம்மன் எழுந்தருள்வார். அன்று மாலை பஞ்சமூர்த்திகள் சிறப்பு அபிஷேகம் நடைபெறும்.
22ம் தேதி ஆண்டாள் அலங்காரத்திலும், 23ம் தேதி சரஸ்வதி அலங்காரத்திலும், 24ம் தேதி லிங்கபூஜை அலங்காரத்திலும், 25ம் தேதி மகிஷாசூரமர்த்தினி அலங்காரத்திலும் அம்மன் எழுந்தருள்கிறார். அன்று மாலை, உண்ணாமுலையம்மனுக்கு சந்தன காப்பு அலங்காரம் நடைபெறும்.
விழாவின் நிறைவாக, விஜயதசமியன்று காலை, திருக்கல்யாண மண்டபத்தில் பராசக்தி அம்மனுக்கும், பஞ்சமூர்த்திகளுக்கு அபிஷேகம் நடைபெறும்.
இந்நிலையில், கொரோனா பரவல் தடுப்பு நடவடிக்கையாக, நவராத்திரி விழாவில் பங்கேற்க பக்தர்களுக்கு அனுமதியில்லை. ஆனாலும், அண்ணாமலையார் கோயிலில் வழக்கம்போல சுவாமி தரிசனத்துக்கு பக்தர்கள் அனுமதிக்கப்படுவார்கள். நவராத்திரி விழா நடைபெறும் அலங்கார மண்டபத்திற்கு பக்தர்கள் செல்ல முடியாது என கோயில் இணை ஆணையர் ஞானசேகர் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்