SUN குழுமத்திலிருந்து வெளிவரும் காலை நாளிதழ்

வேலூர் பழைய பஸ் நிலையத்தில் நெரிசலை குறைக்க புதிய மீன் மார்க்கெட் அருகே தற்காலிக பஸ் நிலையம் அமைக்க முடிவு

10/1/2020 5:12:57 AM

வேலூர், அக்.1: வேலூரில் பழைய பஸ் நிலையத்தில் போக்குவரத்து நெரிசலை குறைக்கும் வகையில் புதிய மீன் மார்க்கெட் அருகே தற்காலிக பஸ் நிலையம் அமையுள்ள இடத்தை கலெக்டர் சண்முகசுந்தரம் ஆய்வு செய்தார். வேலூர் மாநகராட்சியில் ஸ்மார்ட் சிட்டி திட்டத்தின் கீழ் வேலூர் புதிய பஸ்நிலையம் ₹46 கோடியில் ஸ்மார்ட் பஸ்நிலையமாக மாற்றும் பணிகள் நடந்து வருகிறது. இதனால் வேலூர் புதிய பஸ் நிலையத்தில் இருந்து, சென்னை, காஞ்சிபுரம் செல்லும் பஸ்களை தவிர மற்ற வழித்தடங்களில் இயக்கப்படுகிறது.

பழைய பஸ் நிலையத்தில் இருந்து ஆரணி, போளூர், திருவண்ணாமலை, ஆம்பூர், வாணியம்பாடி, திருப்பத்தூர், திருச்சி, மதுரை, நாகர்கோவில் ஆகிய ஊர்களுக்கு பஸ்கள் இயக்கப்படுகிறது. மேலும் உள்ளூர் டவுன் பஸ்களும் பழைய பஸ் நிலையத்தில் இருந்து வழக்கம்போல் இயக்கப்படுகிறது. இதனால், இடநெருக்கடி மற்றும் கடும் போக்குவரத்து நெரிசல் ஏற்படுகிறது.

நெரிசலை குறைக்கும் வகையில் திருவண்ணாமலை மார்க்கமாக செல்லும் பஸ்களை மட்டும் வேறு இடத்தில் இருந்து இயக்க மாவட்ட நிர்வாகம் முடிவு செய்தது. அதன்படி சில தினங்களுக்கு முன்பு அண்ணா கலையரங்கம் அருகே பகுதியில் கலெக்டர் சண்முகசுந்தரம் ஆய்வு செய்தார். ஆனால், அந்த இடத்திலும் ஸ்மார்ட் சிட்டி திட்டத்தின்கீழ் பணிகள் விரைவில் தொடங்கப்பட உள்ளதால் அந்த இடம் கைவிடப்பட்டது. வேறு இடத்தை தேர்வு செய்யும் பணி தீவிரமாக நடந்து வந்தது.

இந்நிலையில், புதிய மீன் மார்க்கெட் அருகே உள்ள மக்கான் லாரி ஷெட்டை கலெக்டர் சண்முகசுந்தரம் நேற்று ஆய்வு செய்தார். இந்த இடத்தில் இருந்து திருவண்ணாமலை மார்க்கமாக செல்லும் பஸ்களுக்கான தற்காலிக பேருந்து நிலையமாக தேர்வு செய்தார். இங்கு கழிவறை வசதி, பயணியர் நிழற்குடை ஆகியவற்றை விரைந்து செய்து பஸ் நிலையத்தை தொடங்க அதிகாரிகளுக்கு உத்தரவிட்டார். தற்போது இங்கு நிறுத்தப்பட்டுள்ள லாரிகளை மாங்காய் மண்டி அருகே உள்ள காலியிடம் அல்லது வேறு இடத்தில் நிறுத்த இடம் ஒதுக்கீடு செய்வதற்கான பணிகள் நடந்து வருவதாக அதிகாரிகள் தெரிவித்தனர்.

இந்த ஆய்வின்போது டிஆர்ஓ பார்த்தீபன், மாநகராட்சி கமிஷனர் சங்கரன், ஆர்டிஓ செந்தில்வேலன் போக்குவரத்து கழக பொதுமேலாளர் நடராஜன் மற்றும் பலர் உடனிருந்தனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்