SUN குழுமத்திலிருந்து வெளிவரும் காலை நாளிதழ்

போக்குவரத்து தொழிலாளர்கள் ஆர்ப்பாட்டம்

10/1/2020 4:01:38 AM

மதுரை, அக். 1: சம்பள பேச்சுவார்த்தையை உடனடியாக துவக்க வேண்டும். அகவிலைப்படி நிலுவையின்றி வழங்க வேண்டும். ஓய்வுபெற்றோரின் பணப்பலன்களை முழுமையாக வழங்க வேண்டும். தனியார் பேருந்துகளை வாடகைக்கு எடுத்து ஓட்டுவதை கைவிட வேண்டும். பழைய பென்சன் திட்டத்தை அமல்செய்ய வேண்டும், விடுமுறையில் இருந்த தொழிலாளர்களின் ஊதியத்தை பிடிக்கும் செயலை கைவிட வேண்டும், கொரோனா நிவாரணம் வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி போக்குவரத்து கழக அனைத்து தொழிற் சங்கங்கள் சார்பில் நேற்று ஆர்ப்பாட்டம் நடந்தது.

மதுரை பைபாஸ் ரோட்டிலுள்ள மண்டல தலைமையகம் முன் நடந்த ஆர்ப்பாட்டத்திற்கு தொமுச பேரவை செயலாளர் அல்போன்ஸ் தலைமை வகிக்க, சிஐடியூ பொது செயலாளர் கனகசுந்தர், ஏஐடியூசி பொது செயலாளர் நந்தாசிங், எச்எம்எஸ் பொதுச் செயலாளர் ஷாஜகான், ஏஏஎல்எல்எப் பொதுச் செயலாளர் சங்கையா, தொமுச பொருளாளர் மணிகண்டன், கவுரவ தலைவர் பெரியசாமி உள்பட பலர் கலந்து கொண்டனர். கே.கே.நகரிலுள்ள அரசு விரைவு போக்குவரத்து கழகத்தின் முன் நடந்த ஆர்ப்பாட்டத்திற்கு தொமுச கிளை தலைவர் சலீம் தலைமை வகிக்க, சிஐடியூ செயலாளர் செந்தில், செல்லத்துரை, முருகபாண்டி, பிச்சைமணி, குமார், நாகராஜன், மனோகரன், நமச்சிவாயம் உள்ளிட்டோர் பங்கேற்றனர். டி.கல்லுப்பட்டி அரசு போக்குவரத்து பணிமனை முன்பு நேற்று போக்குவரத்து தொழிலாளர்கள் ஆர்ப்பாட்டம் நடத்தினர். தொமுச மத்திய சங்க துணை செயலாளர் கிருஷ்ணன் தலைமை வகிக்க, சிஐடியூ மத்திய சங்க பொருளாளர் மாரியப்பன் முன்னிலை வகித்தார். இதேபோல் உசிலம்பட்டி அரசு போக்குவரத்து பணிமனை முன்பு ஆர்ப்பாட்டம் நடத்தினர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்