SUN குழுமத்திலிருந்து வெளிவரும் காலை நாளிதழ்

சான்றிதழ் வழங்காமல் இழுத்தடிப்பு கள்ளிக்குடி தாலுகா அலுவலகம் முற்றுகை

10/1/2020 4:01:04 AM

திருமங்கலம், அக். 1: மத்திய அரசின் தபால்துறை, ரயில்வே உள்ளிட்ட பணிகளில் முற்பட்ட வகுப்பினரில் பொருளாதாரத்தில் பின் தங்கியவர்களுக்காக 10 சதவீதம் இடஒதுக்கீடு செய்யப்பட்டுள்ளது. இந்த பிரிவினருக்கு மத்திய அரசு பணிகளில் இ.டபிள்.யூ.எஸ் சான்றிதழ் வழங்கப்பட்டு வருகிறது. மதுரை மாவட்டத்தில் திருமங்கலம், பேரையூர் தாலுகாக்களில் இந்த பிரிவினருக்கு இ.டபிள்யூ.எஸ் சான்றிதழ் வழங்கப்பட்டுள்ளது. கள்ளிக்குடி தாலுகாவில் மட்டும் இந்த சான்றிதழ் வழங்கப்படவில்லை. இந்நிலையில் தற்போது மத்திய அரசின் தபால்துறையில் நேர்காணலுக்கு தயாராகியுள்ள கள்ளிக்குடி தாலுகாவை சேர்ந்த போத்தநதி, புதுப்பட்டி, உன்னிப்பட்டி, சித்தூர் கிராமங்களை சேர்ந்த மாணவ, மாணவியர்கள் 100 போ் இ.டபிள்.யூ சான்றிதழ் கேட்டு கள்ளிக்குடி தாலுகா அலுவலகத்தில் விண்ணப்பித்திருந்தனர். ஆனால் இந்த சான்றிதழ் வழங்காமல் இழுத்தடிக்கப்பட்டு வந்தனர்.

நேற்று தான் தபால்துறை நேர்காணலுக்கான விண்ணப்ப படிவங்களை அனுப்ப கடைசி நாள். ஆனால் நேற்று வரையில் இந்த சான்றிதழ் கிடைக்காததால் தபால்துறையில் நேர்காணலுக்கு விண்ணப்பித்திருந்த 4 கிராமத்தை சேர்ந்த மாணவ, மாணவியர்கள் தங்களது பெற்றோருடன் கள்ளிக்குடி தாலுகா அலுவலகத்தை முற்றுகையிட்டு போராட்டம் நடத்தினர். இதுகுறித்து மாணவ, மாணவியர்கள் கூறுகையில், ‘முற்பட்ட வகுப்பினரில் பொருளாதாரத்தில் நலிவுற்றோருக்கு மத்திய அரசு வேலைவாய்ப்பு, கல்வி நிறுவனங்களில் இடஒதுக்கீடு அளித்து கடந்தாண்டு அரசு உத்தரவு பிறப்பித்துள்ளது. இந்த இடஒதுக்கீட்டினை பெற தேவையான சான்றிதழ்களை உரியோருக்கு வழங்க தாசில்தார்களுக்கு வருவாய்த்துறை ஆணையர் உத்தரவிட்டுள்ளார். ஆனால் கள்ளிக்குடி தாலுகாவில் மட்டும் வழங்க மறுக்கின்றனர். இதனால் எங்களின் எதிர்காலம் கேள்விகுறியாகிவிடுமோ என்ற அச்சம் எழுந்துள்ளது உரிய நடவடிக்கை எடுக்க வேண்டும்’ என்றனர்.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்