SUN குழுமத்திலிருந்து வெளிவரும் காலை நாளிதழ்

மணல் கடத்தல் கும்பல் மிரட்டியதால் மானூரில் விஷம் குடித்த விவசாயி

9/26/2020 1:52:38 AM

நெல்லை, செப். 26: நெல்லை அருகே மணல் கடத்தல் கும்பல் மிரட்டியதால் விவசாயி விஷம் குடித்தார். அவருக்கு அரசு மருத்துவமனையில் தீவிர சிகிச்சை அளிக்கப்பட்டு வருகிறது. மானூர் அருகே உள்ள சுப்பையாபுரம் பிள்ளையார் கோயில் தெருவைச் சேர்ந்தவர் முருகன் (60). விவசாயியான இவர், வீட்டில் திடீரென விஷம் குடித்தார். குடும்பத்தினர் அவரை மீட்டு உடனடியாக நெல்லை அரசு மருத்துவக்கல்லூரி மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.  இந்நிலையில் அவரது மகன் கலைச்செல்வம் (26), மாவட்ட எஸ்பியிடம் அளித்துள்ள மனுவில் கூறியிருப்பதாவது: மானூர் சுப்பையாபுரத்தில் விவசாயம் செய்து நாங்கள் பிழைத்து வருகிறோம். மணல் கடத்தல் குறித்து போலீசாருக்கு தகவல் அளித்ததால் எங்கள் ஊரைச் சேர்ந்த சிலருடன் எங்களுக்கு முன்விரோதம் ஏற்பட்டது.

கடந்த 22ம் தேதி நான், எனது தந்தை, தாய் ஆகியோர் வீட்டில் இருந்தபோது அப்பகுதியைச் சேர்ந்தவர்கள் எங்களை அடித்து உதைத்து அவதூறாக பேசி தாக்கி விட்டுச் சென்றனர். இதுகுறித்து நாங்கள் மானூர் போலீசில் புகார் செய்ேதாம். ஆனால் போலீசார், புகார் கொடுக்க வந்த எங்களையே தாக்கினர். இதனால் அவமானமடைந்த எனது தந்தை முருகன், விஷம் குடித்து மருத்துவமனையில் அனுமதிக்கப்பட்டு உள்ளார். இதற்கு காரணமான நபர்கள் மீது நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.

மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்